2002-يىلى ئىيۇلدا ئامېرىكا نىيۇيورك كۇتۇپخانىسىدا «100 يىللىق قىممەتكە ئىگە بۇيۇملار كۆرگەزمىسى» ئۆتكۈزۈلگەن. كۆرگەزمىگە 200 خىلدىن ئارتۇق قىممەتلىك مەدەنىيەت يادىكارلىقى ۋە ئاز ئۇچرايدىغان يازمىلا قويۇلغان. بۇنىڭ ئىچىدە ئىككىنچى دۇنيا ئۇرۇشى مەزگىلىدە جياڭ جيېشىنىڭ گىتلېرغا يازغان بىر پارچە خېتىمۇ بار ئىكەن. خەۋەرلەرگە قارىغاندا، شۇ قېتىمقى كۆرگەزمە «كىتابتىن رامكا»، «مەدەنىيەت يادىكارلىقلىرىغا بولغان ئىنتىلىش»، «كۆڭۈلگە ياقمايدىغان» ۋە «قىممەتلىك ئاسار ئەتىقىلەر»دىن ئىبارەت تۆت رايونغا ئايرىلغان. جياڭ جيېشىنىڭ گىتلېرغا يازغان خېتى «كۆڭۈلگە ياقمايدىغان» رايونغا بۆلۈنگەن. بۇ رايونغا ئاساسلىقى 100 يىلدىن بۇيانقى تالاش-تارتىش خاراكتېرىدىكى ئىشلار خاتىرىلەنگەن كىتابلار ۋە شەھۋانىي مەزمۇندىكى رومانلار، ناتسىسىزمنى تەشەببۇس قىلىدىغان كىتابلار قويۇلغان.

بەزى خەۋەرلەرگە قارىغاندا، جۇڭگو ۋە دۇنيا تارىخىدا ئىنتايىن زور تەسىر كۆرسەتكەن جياڭ جيېشى بىلەن گىتلېر 20-ئەسىرنىڭ 40-يىللىرى قويۇق ئالاقىدە بولغان. جياڭ جيېشى خېتىدە ئاساسىلىق گىتلېرنىڭ جۇڭگوغا ئەلچى ئەۋەتكەنلىكىگە رەھمەت ئېيتقان، بۇ خەت 1941-يىلى 16-سېنتەبىر يېزىلغان. جياڭ جيېشىنىڭ ئەينى چاغدا گېرمانىيە دائىرىلىرى بىلەن بولغان مۇناسىۋىتى ئىنتايىن ياخشى بولۇپ، گىتلېر جياڭ جيېشىغا ئالاھىدە ئېتىبار بېرىپ، جۇڭگوغا ئەلچى ئەۋەتكەن ھەمدە گومىنداڭ ئارمىيەسى قورال-ياراغ بىلەن تەمىنلىگەن.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK