نۇرغۇن كىشىگە نىسبەتەن ئېيتقاندا، ئۇخلاشتىن بۇرۇن يان تېلېفون ياكى تەكشى يۈزلۈك كومپيۇتېر ئويناش بىر خىل ئادەتكە ئايلىنىپ قالدى، بىراق تەتقىقاتلاردىن مەلۇم بولۇشىچە، بۇ ئۈسكۈنىلەر چىقارغان يورۇقلۇقلار ئادەمنىڭ كۆرۈش ئىقتىدارىغا زىيان يەتكۈزۈپلا قالماستىن، يەنە ئۇيقۇسىغىمۇ تەسىر كۆرسىتىدۇ.

بولۇپمۇ ئۇلارنىڭ ئىچىدىكى كۆك نۇر بەدەندىكى مېلاتونىننىڭ قويۇپ بېرىلىشىگە توسقۇنلۇق قىلىدىغان بولغاچقا، ئۇنىڭ ئۇيقۇغا بولغان زىيىنى تېخىمۇ زور بولىدۇ، ئادەتتىكى ئەھۋالدا كىشىلەر ئۇخلاشتىن بىر نەچچە سائەت بۇرۇنلا چوڭ مېڭىدىكى چىلغوزا تەنچە ( مېڭە ئۈستى بېزى ) مېلاتونىن ئاجرىتىپ چىقىرىشقا باشلايدۇ.

نۇر، بولۇپمۇ كۆك نۇر چىلغوزا تەنچە ( مېڭە ئۈستى بېزى ) نىڭ مېلاتونىن ئاجرىتىپ چىقىرىشىغا توسقۇنلۇق قىلىپ، ئادەمگە چارچاش ھېس قىلدۇرمايدۇ. ياش – ئۆسمۈرلەر بۇ خىل تەسىرگە چوڭلارغا قارىغاندا كۆپرەك ئۇچرايدۇ. ئادەتتە بەدەندە مېلاتونىن كەمچىل بولسا ئادەم ئاسانلا كېسەل بولۇپ قالىدۇ، مىجەزىمۇ تۇراقسىزلىشىپ كېتىدۇ.