سۇمۇرۇغ تورى خەۋىرى لەگلەك تورى تەرجىمىسى .ياۋروپا يېمەكلىك بىخەتەرلىكى ئىدارىسى يېقىندا ئېلان قىلغان ئاخباراتىدا ئېيتىلىشىچە، ياۋروپا يېمەكلىكلىرىدىكى دېھقانچىلىق دورىسى قالدۇقى ئەھۋالىنى ئۈلگە ئېلىپ تەكشۈرۈش نەتىجىسىدىن كۆپ قىسىم يېمەكلىكلەردىكى دېھقانچىلىق دورىسى قالدۇقى مىقدارىنىڭ ياۋروپا ئىتتىپاقى بىخەتەرلىك ئۆلچىمىگە ئۇيغۇن كېلىدىغانلىقى ئايان بولغان .

2012-يىلى قانات يايدۇرۇلغان بۇ تەكشۈرۈش ياۋروپا ئىتتىپاقىغا ئەزا دۆلەتلەر ھەمدە نورۋېگىيە ۋە ئىسلاندىيە قاتارلىق دۆلەتلەرنى قاپلىغان، جەمئىي 750 خىل يېمەكلىكتىن ئېلىنغان78 مىڭدىن ئارتۇق ئۈلگە تەكشۈرۈلگەن.نەتىجىدە ، 99.1 پىرسەنت ئۈلگە ياۋروپا ئىتتىپاقىنىڭ دېھقانچىلىق دورىسى قالدۇقى مىقدارى يۇقىرى چېكى قانۇنىي بەلگىلىمىسىگە ئۇيغۇن كەلگەن، ئارىسىدىكى يېرىمدىن كۆپ ئۈلگىدە دېھقانچىلىق دورىسى ئاساسەن يوق چىققان، يەنى دېھقانچىلىق دورىسى قالدۇقى مىقدارى قانۇندا بەلگىلەنگەن تۆۋەن چەككىتىنمۇ تۆۋەن بولغان .

ئېلىنغان ئۈلگىلەرنى تەكشۈرۈش نەتىجىسىدە كۆرسىتىلىشىچە، دېھقانچىلىق دورىسى قالدۇقى مىقدارى يۇقىرى چېكىدىن كۆپرەك ئېشىپ كېتىش ئەھۋالى كۆپرەك كۆرۈنگەن يېمەكلىكلەر ئاساسلىقى سىللان گۈلى، چېچەككۆك، ئۈزۈم، تاتلىق مۇچ ۋەپىدىگەنلەر بولغان، دېھقانچىلىق دورىسى قالدۇقى يۇقىرى چېكىدىن ئازراق ئاشقان يېمەكلىكلەر ئاساسلىقى كۆك پۇرچاق، زەيتۇن مېيى، بۇغداي ۋە بانانلار ئىكەن.سېرىقماي، تۇخۇم قاتارلىق ھايۋاناتلار مەنبەلىك مەھسۇلاتلار، شۇنداقلا ئاپلېسىن شەربىتى قاتارلىقلاردىكى دېھقانچىلىق دورىسى قالدۇقى مىقدارى يۇقىرى چەكتىن ئاشمىغان.

يېمەكلىكتىكى دېھقانچىلىق دورىسى قالدۇقى ئادەم ساغلاملىقىغا تەھتىد ئېلىپ كېلەمدۇ دېگەن مەسىلىگەقارىتا، ياۋروپا ئىتتىپاقى يېمەكلىك بىخەتەرلىكى ئىدارىسى، گەرچە لاياقەتسىز يېمەكلىكنىڭ ئىگىلىگەن نىسبىتى ئىنتايىن تۆۋەن بولسىمۇ، ئەمما قىسقا مۇددەت ئىچىدە زورمىقداردىكى لاياقەتسىز يېمەكلىكنى ئىستىمال قىلغاندا، ساغلاملىققا زىيان ئېلىپ كېلىشى مۇمكىن دەپ قارىدى.

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK