خەلقئارا مەنبەسى تورى خەۋىرى لەگلەك تورى تەرجىمىسى.روسىيە زۇڭتۇڭى ئۆتكۈزۈلگەن يىللىق چوڭ تىپتىكى مۇخبىرلار يىغىنىدا ناۋادا جۇڭگو بىلەن ئىمزالانغان تەبئىي گاز توختامى بولمىسا رۇسىيىنىڭ يىراق شەرق ۋە سىبىرىيىدىكى تەبئىي گازنى ئىشلىتىشكە ئامالسىز قالىدىغانلىقىنى ئېيتتى .

پۇتىن مۇنداق دېدى :‹جۇڭگو روسىيە ئىككى تەرەپ ئۆز ئارا ئېتىبار بېرىشنى قارار قىلىپ ،ئاخىرى توختام ئىمزالىدى ،بۇ توختام روسىيىگە پايدا ئېلىپ كېلىدۇ ھەم رۇسىيىنىڭ تەبئىي گاز ئېكسپورت تۇرۇبىسىنى ئۇزارتىپ تەبئىي گازنىڭ روسىيە چېگرىسى ئىچىدە غەربتىن شەرققە يەتكۈزۈشىنى ئىشقا ئاشۇرىدۇ .›.

پۇتىن بۇ غايەت زور قۇرۇلۇش تۈرىنىڭ تېخىمۇ كۆپ ئىشقا ئورۇنلىشىش ئورنى ۋە باج كىرىمى يارىتىدىغانلىقىنى ئېيتتى .پۇتىن رۇسىيىنىڭ شەرققە قاراتقان سىياسىتىنىڭ ھۆكۈمەت ئاللىبۇرۇن تۈزىگەن پىلان ئىكەنلىكى بۇنىڭدا سىياسىي غەرەز يوقلىقى ،دۇنيانىڭ ئىقتىسادىي ۋەزىيىتىگە قاراپ شۇنداق قىلغانلىقى ،ئاسىيا تىنىچ ئوكيان رايونىنىڭ دۇنيادىكى باشقا جايلارغا قارىغاندا تەرەققىياتى تېز ئىكەنلىكى ،جۇڭگو ھىندىستان ياپونىيە ،كورىيە قاتارلىقلارنىڭ ئېنېرگىيىگە بولغان ئېھتىياجىنىڭ تېز ئېشىۋاتقانلىقى ،ياۋروپاغا نىسبەتەن ھازىرچە ھەم ئەرزان ھەم ئىشەنچىلىك تەبئىي گا ز بىلەن تەمىنلەشتە روسىيىگە يېتىدىغان دۆلەت يوقلىقى ،قىسقا مەزگىلدە پايدا بولۇشنىڭ مۇمكىن ئەمەسلىكىنى بىلدۈردى .

گېرمانىيە مالىيە- ئىقتىساد تورىنىڭ 11- دېكابىردىكى سانىدا ئېلان قىلىنغان ماقالە، ئەسلى تېمىسى «40 دۆلەت جۇڭگوغا تايىنىدۇ»، نۇر تورى تەرجىمىسى: جۇڭگو بىلەن بولغان سودا نۇرغۇنلىغان دۆلەتلەردە مۇھىم ئورۇندا تۇرىدۇ، بۇنىڭ ئىچىدە تەرەققىي قىلىۋاتقان دۆلەتلەر بولۇپلا قالماستىن، يەنە دۇنيا ئىقتىسادىدا مۇھىم ئورۇندا تۇرىدىغان دۆلەتلەرمۇ بار. ئۇنىڭ ئۈستىگە، ھازىر بۇ تىزىملىك بارغانسېرى كېڭەيمەكتە.

ئىقتىسادشۇناس مىچېل مەكدوننا قاتارلىقلار يېقىندا خەلقئارا پۇل فوندى تەشكىلاتىنىڭ سانلىق مەلۇماتىغا ئاساسەن، «جۇڭگوغا تايىنىدىغان 40 دۆلەت» ناملىق بىر تىزىملىكنى تۈزۈپ چىقتى. بۇ دۆلەتلەرنىڭ جۇڭگوغا قارىتا ئېكسپورت سوممىسىنىڭ ئومۇمىي ئېكسپورت سوممىسىدا ئىگىلىگەن نىسبىتى %15 تىن ئېشىپ كەتكەن.

جۇڭگو بىلەن سودا مۇناسىۋىتى ئەڭ كۈچلۈك دۆلەتلەر قوشنىلاردۇر. بولۇپمۇ شىمالدىكى قوشنىسى موڭغۇلىيە بېيجىڭدىن كېلىدىغان پۇلغا ئەڭ تايىنىدۇ. بۇ دۆلەت ئېكسپورت قىلىدىغان بۇيۇملارنىڭ %93 تىنى جۇڭگولۇقلار سېتىۋالىدۇ. ئۇنىڭدىن باشقا، جۇڭگونىڭ تيەنجىن شەھىرى موڭغۇلىيەنىڭ دېڭىزغا چىقىدىغان بىردىنبىر يولى. ئەتراپتىكى باشقا نۇرغۇن دۆلەتلەرمۇ جۇڭگودىن ئايرىلالمايدۇ. تۈركمەنىستان، بېرما ۋە لائۇس جۇڭگوغا ئىنتايىن تايىنىدۇ، ئۇلارنىڭ جۇڭگوغا قارىتا ئېكسپورت سوممىسىنىڭ ئومۇمىي ئېكسپورت سوممىسىدا ئىگىلىگەن نىسبىتى ئايرىم ھالدا %68.8، %41.4 ۋە %35.2 كە يېتىدۇ. بېرما جۇڭگوغا ئاساسلىقى نېفىت ئېكسپورت قىلىدۇ، تۈركمەنىستان بولسا تەبئىي گاز ئېكسپورت قىلىدۇ.

ئافرىقا دۆلەتلىرىنىڭ جۇڭگو بىلەن بولغان ھەمكارلىقىمۇ بارغانسېرى قويۇقلاشماقتا. خىزمەت شارائىتىنىڭ ئۆزگىرىشى ۋە ئىش ھەققىنىڭ ئۆسۈشى سەۋەبىدىن، جۇڭگودىكى نۇرغۇن كارخانىلار زاۋۇتلىرىنى ئافرىقىغا يۆتكىمەكتە. جۇڭگولۇقلار يەنە ئافرىقىدىن تاۋار سېتىۋېلىشنى ياقتۇرىدۇ، بۇ ئىش ئىككى تەرەپنىڭ سودا سوممىسىنى ئۈزلۈكسىز ئاشۇرماقتا.

جۇڭگونىڭ ئافرىقىدىكى مۇھىم سودا ھەمراھلىرى ئىچىدە بىرىنچى ئورۇندا تۇرىدىغان سېررالىئون ئېكسپورت قىلىدىغان مەھسۇلاتلارنىڭ %82.1 نى جۇڭگولۇقلار سېتىۋالىدۇ. جۇڭگولۇقلار يەنە ماۋرىتانىيەنىڭ %48.7، كونگو جۇمھۇرىيىتىنىڭ %48.1 ئېكسپورت بۇيۇمىنى سېتىۋالىدۇ. ئومۇمەن، جۇڭگوغا تايىنىدىغان 40 دۆلەتنىڭ يېرىمغا يېقىنراقى ئافرىقىدا. ئۇنىڭدىن باشقا، تىنچ ئوكياندىكى سولومىن تاقىم ئاراللىرىنىڭ جۇڭگوغا قارىتا ئېكسپورت سوممىسىنىڭ ئومۇمىي ئېكسپورت سوممىسىدا ئىگىلىگەن نىسبىتى %59.4 كە يېتىدۇ.

جۇڭگوغا تايىنىدىغان بۇ دۆلەتلەرنىڭ ھەممىسىلا نامرات تەرەققىي قىلىۋاتقان دۆلەتلەر ئەمەس. يېڭىدىن گۈللىنىۋاتقان ۋە تەرەققىي قىلغان دۆلەتلەرمۇ جۇڭگوغا ئېھتىياجلىق. مەسىلەن ياپونىيە (%18.5)، يېڭى زېلاندىيە (%22.5) ۋە ئاۋسترالىيە (%36.2) مۇ بۇنىڭ ئىچىدە. جۇڭگو بۇ دۆلەتلەرنىڭ ئىستېمال بۇيۇملىرى، ماشىنا زاپچاسلىرى ۋە تېخنىكىسىغا تولىمۇ ئېھتىياجلىق. گېرمانىيەگە نىسبەتەن، جۇڭگوغا قارىتا ئېكسپورت سوممىسىنىڭ ئومۇمىي ئېكسپورت سوممىسىدا ئىگىلىگەن نىسبىتى ئاران %6 بولسىمۇ، ئەمما مۇتلەق قىممەت بويىچە ھېسابلىغاندا، گېرمانىيە چوقۇم جۇڭگونىڭ ياۋروپادىكى ئەڭ مۇھىم سودا ھەمراھى ھېسابلىنىدۇ.

(ماقالىنىڭ ئاپتورى كرىستوف ساكمان، چىڭ مۇ خەنزۇچىغا تەرجىمە قىلغان.)

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :leglek