سۇدان ئاگېنتلىقىنىڭ خەۋەر قىلىشىچە: سۇداندا ھاكىمىيەت يۈرگۈزۈۋاتقان مەملىكەتلىك قۇرۇلتاي پارتىيەسى 25-ئۆكتەبىر ھازىرقى زۇڭتۇڭ بەشىرنىڭ مەزكۇر پارتىيەنىڭ نامزاتى بولۇش سۈپىتى بىلەن 2015-يىلى 4-ئايدا ئۆتكۈزۈلىدىغان چوڭ سايلامغا قاتنىشىشنى تەستىقلىدى. مەملىكەتلىك قۇرۇلتاي پارتىيەسى 25-ئۆكتەبىر ئاخىرلاشقان 4-قېتىملىق مەملىكەتلىك قۇرۇلتىيىدا يۇقىرىقى قارارنى چىقاردى.

يىغىنغا قاتناشقان ئالتە مىڭ ۋەكىل ئىچىدىن 4 مىڭ 606 ۋەكىل ئاۋاز بەردى. بۇنىڭ ئىچىدە 4 مىڭ 425 ۋەكىل قوللاپ ئاۋاز بەردى، يىغىندا شۇنىڭ بىلەن بىرگە، بەشىرنىڭ مەملىكەتلىك قۇرۇلتاي پارتىيەسىنىڭ رەئىسلىكىنى داۋاملىق ئۆتىشى قارار قىلىندى. بۇ يىل 70 ياشقا كىرگەن بەشىر 1993- يىلىدىن بۇيان ئىزچىل تۈردە سۇداننىڭ زۇڭتۇڭى بولۇپ كەلمەكتە.