دۇنيا كۇلۇبلار لوڭقىسىنى تالىشىش ھەل قىلغۇچ مۇسابىقىسدە بارسېلونا كوماندىسى 3 : 0 نەتىجە بىلەن ئارگېنتىنادىكى دەريا قىنى كوماندىسىنى مەغلۇب قىلدى. مۇسابىقىدىن كېيىن، بارسېلونا كوماندىسىنىڭ مەشقاۋۇلى ئىنرىك ۋە كۇلۇب رەئىسى بارتومونىڭ ئاشىكارلىشىغا قارىغاندا، مۇسابىقىدە بىرىنچى بولۇپ توپ كىرگۈزۈپ مەيداندىكى قاتماللىقنى بۇزغان داڭلىق ھۇجۇمچى مېسسى ئەسلىدە يارىسى تولۇق ساقايمىغان ھالەتتە مەيدانغا چىققان ئىكەن. مېسسىنىڭ بەل قىسمىدىكى ئاغرىق تېخى پەسەيمىگەن بولۇپ، دۇنيا تەنتەربىيە گېزىتىنىڭ كۆرسىتىشىچە، ئاغرىق ئازاۋىنى پەسەيتىش ئۈچۈن مېسسى مۇسابىقىدىن بۇرۇن ئاغرىق توختىتىش ئوكۇلى ئۇردۇرغان. ھەل قىلغۇچ ئويناش ئۈچۈن ئۇ مۇشۇنداق قىلىشقا مەجبۇر بولغان.   مۇسابىقىدىن كېيىنكى زىيارەتتە مېسسى مۇنداق دېگەن: «يېقىندىن بۇيان ھەقىقەتەن ئازابلانغان ئىدىم، تەلىيىمگە ھازىر ئاساسەن ساقىيىپ كەتتىم، مۇسابىقىدە ئېچىلىپ ئوينىدىم، بىز قالتىس بىر مەيدان مۇسابىقىنى تاماملىدۇق، مېنىڭ مەڭگۈلۈك نىشانىم يەنىلا چېمپىيونلۇق ئۈچۈن جەڭ قىلىش» برازىلىيەلىك چولپان نېيمار جەمئىئەت ئالاقە تورىدا سەبدېشى مېسسى بىلەن بىرگە چۈشكەن سۈرىتىنى يوللىدى. سۈرەتتە يەنە مۇنداق بىر جۈملە سۆز يېزىلغان: «مېسسى مېنىڭ قەلبىمدىكى بىرىنچى نومۇرلۇق توپچى» نېيمار 2011-يىلى دۇنيا كۇلۇبلار لوڭقىسى ھەل قىلغۇچ مۇسابىقىسى ئوينىغان بولۇپ، شۇ چاغدا نېيمار توپ تېپىۋاتقان برازىلىيەدىكى سانتوس كوماندىسى مەغلۇب بولغان. نېيمار ھاياجانلانغان ھالدا مۇنداق دېگەن: «دۇنيا كۇلۇبلار لوڭقىسى چېمپىيونى بولۇش ئارزۇيۇم ئاخىر ئەمەلگە ئاشتى، بەش چېمپىيونلۇق لوڭقىسىنى ئېلىش، بۇ قالتىس ئىش، بۇ قېتىم مۇسابىقىدە توپ كىرگۈزەلمىدىم، بىراق ئەڭ مۇھىم بولغىنى بىز يېڭىپ چېمپىيونلۇقنى قولغا كەلتۈردۇق».