24-ئۆكتەبىر، چاۋشيەن ئەمگەك پارتىيەسىنىڭ 1-شۇجىسى، دۆلەت مۇداپىئە كومىتېتىنىڭ 1-باشلىقى، خەلق ئارمىيەسىنىڭ ئالىي قوماندانى كىم جوڭئۇن چاۋشيەن خەلق ئارمىيەسى 526 چوڭ بىرلەشمە ئەترىتى ۋە 478-بىرلەشمە قىسمىنىڭ تىركىشىش مەشقىگە يېتەكچىلىك قىلدى

خەلقئارا لىنىيەسى خەۋىرى: چاۋشيەن مەركىزىي ئاخبارات ئاگېنتلىقىنىڭ 24-ئۆكتەبىردىكى خەۋىرىگە قارىغاندا، چاۋشيەن ئەمگەك پارتىيەسىنىڭ 1-شۇجىسى، دۆلەت مۇداپىئە كومىتېتىنىڭ 1-باشلىقى، خەلق ئارمىيەسىنىڭ ئالىي قوماندانى كىم جوڭئۇن چاۋشيەن خەلق ئارمىيەسى 526 چوڭ بىرلەشمە ئەترىتى ۋە 478-بىرلەشمە قىسمىنىڭ تىركىشىش مەشقىگە يېتەكچىلىك قىلغان.

خەلق ئارمىيەسىنىڭ ھەرقايسى ئارمىيەلىرىنىڭ قوماندانلىرى، كورپۇس كوماندىرلىرى، دىۋىزىيە كوماندىرلىرى، بىرىگادا كوماندىرلىرى ۋە ھەر دەرىجىلىك ھەربىي ئىشلار مەكتەپلىرىنىڭ ئوقۇتقۇچىلىرى تىركىشىش مەشىقىنى كۆرگەن. كىم جوڭئۇن مەشق ھەققىدىكى دوكلاتنى ئەستايىدىل ئاڭلىغان ھەمدە مەشققە يېتەكچىلىك قىلغان. مەشقتىن كېيىن، كىم جوڭئۇن مەشقنىڭ ئارتۇقچىلىقى ۋە كەمچىلىكىنى خۇلاسىلىگەن ھەمدە خەلق ئارمىيەسىنى يەنىمۇ كۈچەيتىپ ۋە تەرەققىي قىلدۇرۇپ، ھەرقانداق ئۇرۇشتا غەلىبە قىلالايدىغان ئىنقىلابىي قوراللىق كۈچكە ئايلاندۇرۇش توغرىسىدا يېتەكچى خاراكتېرلىك ۋەزىپىلەرنى ئوتتۇرىغا قويغان.