مۇخبىرنىڭ شىنجاڭنىڭ ئۇيغۇر ئاپتونوم رايونلۇق تەرەققىيات ۋە ئىسلاھات كومىتېتىدىن ئىگىلىشىچە، شىنجاڭنىڭ پىچان ناھىيىسىنىڭ كۆكيا، باي ناھىيىسىنىڭ تەلۋىچۇق كۆمۈرلۈكىدىكى ئوتنى ئۆچۈرۈش قۇرۇلۇشى سېنتەبىرنىڭ ئاخىرلىرىدا ئالاقىدار تارماقلارنىڭ تەكشۈرۈپ ئۆتكۈزۋېلىشىدىن ئۆتۈپ، ئوت ئومۇميۈزلۈك ئۆچۈرۈلدى، شۇ جاينىڭ ئاجىز ئىكىلوگىيىلىك مۇھىتى ۋە 14 مىليون توننىدىن ئارتۇق كۆمۈر بايلىقى ئۈنۈملۈك قوغدالدى.
كۆكيا كۆمۈرلۈكىنىڭ ئوت رايونى پىچان ناھىيىسىنىڭ غەربىي شىمالىدىكى تەخمىنەن 45 كىلومېتىر يىراقلىقتا بولۇپ، ئوت كەتكەن مەيدان 38 مىڭ 700 كۇۋادىرات مېتىرغا يېتىدۇ، ھەر يىلى كۆيىدىغان كۆمۈر تەخمىنەن 30 مىڭ 40 توننىغا يېتىپ، تەھدىتكە ئۇچرىغان كۆمۈر زاپىسى تەخمىنەن 2 مىليون 700 مىڭ توننا كېلىدۇ؛ تەلۋىچۇق كۆمۈرلۈكىنىڭ ئوت رايونى باي ناھىيىسىنىڭ غەربىي شىمالىدىكى تەخمىنەن 37 كىلومېتىر يىراقلىقتا، ئوت كەتكەن كۆلەم 51 مىڭ كۇۋادىرات مېتىر بولۇپ، ھەر يىلى زىيانغا ئۇچرايدىغان كۆمۈر تەخمىنەن 47 مىڭ 800 توننىغا، ئاپەتكە ئۇچرىغان رايوندا تەھدىتكە ئۇچرىغان كۆمۈر زاپىسى تەخمىنەن 11 مىليون 480 مىڭ توننىغا يېتىدۇ. يېقىنقى يىللاردىن بۇيان، شىنجاڭنىڭ كۆمۈرلۈكىدىكى ئوتنى ئۆچۈرۈش تارماقلىرى تاغ جىنىسلىرىنى ئايرىش، بۇرغىلاش، سۇ كىرگۈزۈش، سېرىق تۇپراقنى قاپلاش قاتارلىق كۆپ خىل ئۇسۇللاردا بۇ ئىككى جايدىكى كۆمۈرلۈكتىكى ئوت رايونىنى ئۈنۈملۈك تىزگىنلىدى.
لەگلەك تور- تېخنىكا گۇرپپىسى : نەشىر ھوقۇقى لەگلەك تورىغا مەنسۇپ
ئېلان ھەمكارلىق تېلفۇنى : 18699111370 , 8555159-0991
Copyright ©2013-2015 by www.leglek.com all rights reserved