ئەنگلىيە ‹‹پوچتا گېزىتى ›› نىڭ 9–سېنتەبىردىكى خەۋىرىگە قارىغاندا ، دۇنياغا داڭلىق ئالماس شىركىتى Petra Diamonds يېقىندا جەنۇبىي ئافرىقىنىڭ يۇھاننىسبۇرگ شەھىرى ئەتراپىدىكى كۇللىنان كېنىدىن 232 كاراتلىق ئالماس بايقىغانلىقى ، بۇنىڭ قىممىتى 10 مىليون فوندستېرلىڭ (خەلق پۇلىغا سۇندۇرغاندا تەخمىنەن 98 مىليون 810 مىڭ يۈەنگە باراۋەر) غا يېتىشى مۇمكىن ئىكەنلىكىنى جاكارلىغان .

كۇللىنان كېنى ئەزەلدىن غايەت زور ئالماس بايقاش بىلەن دۇنياغا داڭلىق ئىكەن . 1905–يىلى بۇ كاندىن 3106.75 كاراتلىق ئالماس بايقالغان بولۇپ ، بۇ ھازىرغىچىلىك دۇنيادا بايقالغان ئەڭ چوڭ ئالماس ئىكەن ، بۇ ئالماس كېيىن كېسىلىپ ئەنگلىيە پادىشاھىنىڭ تاجىغا ئورنىتىلغان .   

 يېڭىدىن بايقالغان بۇ ئالماس 2009–يىلىدىن بۇيان بۇ كاندا بايقالغان ئەڭ چوڭ ئاق ئالماس ئىكەن .