بىرلەشكەن دۆلەتلەر تەشكىلاتىنىڭ باش كاتىپى بانكىمون تۈنۈگۈن بايانات ئېلان قىلىىپ، ئىراقنىڭ ھۆكۈمەت تەشكىللەش جەھەتتە ئىلگىرلەشكە ئېرىشكەنلىكىنى قارشى ئالدى، ھەمدە ھەرقايسى پارتىيەلەر ۋە ئۇلارنىڭ قوللىغۇچىلىرىنىڭ ئۆزىنى تۇتۇۋېلىپ، ئاساسىي قانۇننىڭ ئىدارە قىلىشى ئاستىدىكى سىياسىي مۇساپىغا ھۆرمەت قىلىشىنى كۈچلۈك مۇراجىئەت قىلدى.

باياناتتا مۇنداق دېيىلىدۇ: مەن ئابادىنى ئاساسىي قانۇندا بەلگىلەنگەن مۇددەت ئىچىدە، كەڭ ئاساسقا ئىگە بولغان، ئىراق جەمئىيىتىنىڭ ھەرقايسى ساھەسىدىكىلەرنىڭ كەڭ ئېتىراپ قىلىشىغا ئېرىشىدىغان ھۆكۈمەت قۇرۇپ چىقىشقا رىغبەتلەندۈرىمەن. بانكىمون يەنە ئىراقنىڭ سىياسىي ۋەزىيىتىنىڭ جىددىلىشىپ كېتىشىدىن، ئىراق ۋە لىۋانت ئىسلام دۆلىتى پەيدا قىلغان بىخەتەرلىك دەھدىتىنىڭ دۆلەتنى تېخىمۇ چوڭقۇر كىرزىسقا پاتتۇرۇپ قويۇشىدىن ئەندىشە قىلدى. ئۇ ئىراقتىكى ھەرقايسى پارتىيەلەر ۋە ئۇلارنىڭ قوللىغۇچىلىرىنىڭ ئاساسىي قانۇننىڭ ئىدارە قىلىشى ئاستىدىكى سىياسىي مۇساپىغا ھۆرمەت قىلىشىنى كۈچلۈك مۇراجىئەت قىلدى.