ئافغانىستان ئەمەلدارى 17-ئىيۇل مۇنداق دېدى: ئافغانىستان زۇڭتۇڭىغا 2-نۆۋەت ئاۋاز بېرىش نەتىجىسىنى تەكشۈرۈش خىزمىتى شۇ شۇ كۈنى رەسمىي باشلاندى. ئافغانىستان سايلام ئورگىنىنىڭ ئاشكارىلىشىچە، تەخمىنەن يۈز خىزمەت گۇرۇپپىسى ئەۋەتىلگەن، ئۇلار پايتەخت كابۇلدا 2-نۆۋەتلىك زۇڭتۇڭغا ئاۋاز بېرىش نەتىجىسىنى تەكشۈرىدىكەن، بۇ تەخمىنەن 8 مىليون ئاۋاز بېلىتىگە چېتىلىدىكەن، ئاۋاز بېرىش ئاياغلىشىپ بىر قانچە ھەپتىدىن كېيىن، بىرلەشكەن دۆلەتلەر تەشكىلاتىنىڭ ئالاھىدە خادىملىرى ۋە خەلقئارا كۆزەتكۈچىلەر ھەر بىر خىزمەت گۇرۇپپىسىنىڭ تەكشۈرۈش ئەھۋالىغا نازارەتچىلىك قىلىدىكەن.

ئافغانىستاننىڭ زۇڭتۇڭ سايلىمى بۇ يىل 5-ئاپرېل باشلانغان ئىدى، چۈنكى نامزاتلار يېرىمدىن ئارتۇق ئاۋازغا ئېرىشەلمىگەنلىكتىن، كۆپ ئاۋازغا ئېرىشكەن پارتىيەنىڭ رەھبەرلىرىدىن ئابدۇللا بىلەن سابىق مالىيە مىنىستىرى غەنى 2-نۆۋەت رىقابەتكە قاتناشتى، لېكىن ئابدۇللا ئاخىرىدا سايلامدا كۆز بويامچىلىق بار دەپ ئەيىبلىدى ھەمدە 2-نۆۋەتلىك ئاۋاز نەتىجىسىنى قوبۇل قىلىشنى رەت قىلدى، ئۇنىڭ قوللىغۇچىلىرىمۇ باشقا ھۆكۈمەت قۇرۇمىز دەپ تەھدىت سالغانلىقتىن، چوڭ سايلام قاتمال ھالەتكە چۈشۈپ قالدى.