2014-يىلى 6-ئاينىڭ 19-كۈنى چۈشتىن بۇرۇن خەلىقئارا چوڭ بازار زىياپەت زالىدا «شىنجاڭ ئۇيغۇر ئاپتونۇم رايونلۇق يازما يادىكارلىقلىرى تەتقىقات بازىسى »بىلەن «شىنجاڭ مۇئەللىىم ئېلېكتىرون پەن-تېخنىكا چەكلىك شىركىتى»ھەمكارلىشىپ ئۇيۇشتۇرغان ئىككىنچى قېتىملىق «ئۇيغۇر تىلىدىكى يازما يادىكارلىقلار ۋە ئاتالغۇلار مەملىكەتلىك ئىلمىي مۇھاكىمە يىغىنى »غەلبىلىك ئېچىلدى.

ئېچىلىش مۇراسىمىدا شىنجاڭ ئۇيغۇر ئاپتونۇم رايونلۇق يازما يادىكارلىقلىرى تەتقىقات بازىسىنىڭ مۇدىرى ئابلىكىم ياسىن ،شىنجاڭ ئۈنۋېرسىتېتىنىڭ مۇئاۋىن مۇدىرى نۇرشات جۇماش ،شىنجاڭ ئۈۋېرسىتېتى فىلولوگىيە ئىنىستېتۇتى مۇئاۋىن مۇدىرى ئابدۇشۈكۈر موللەك بۇ قېتىمقى يىغىننىڭ ئەھمىيىتى ۋە رولى توغۇرسىدا مۇھىم سۆز قىلدى .

يىغىن جەريانىدا شىنجاڭ ئۇيغۇر ئاپتونۇم رايونلۇق يازما يادىكارلىقلار تەتقىقات بازىسىنىڭ تەتقىقاتچىلىرىدىن مىرسۇلتان ئوسمانوف قاتارلىقلار يازما يادىكارلىقلارنىڭ ئۇيغۇر ئاتالغۇ خىزمىتىدىكى رولى ،ئۇيغۇر تىلىدىكى ئاتالغۇلارنى قېلىپلاشتۇرۇش مەسىلىسى شۇنداقلا ئانا تىلنى قوغداش خىزمىتىنىڭ مۇقىملىقى توغۇرسىدا تەتقىقات مېۋىلىرىنى ئوتتۇرىغا قويدى .

يېغىن ئاخىرىدا بۇ قېتىمقى يىغىننىڭ غەلبىلىك ئېچىلىشىغا تۈرۈتكىلىك رول ئوينىغنا شىنجاڭ مۇئەللىم ئېلىكتىرۇن پەن-تېخنىكا چەكلىك شىركىتىنىڭ باش مۇدىرى ئەخمەتجان نورۇز مائارىپ ئېلىكتىرۇن مەھسۇلاتلىرىدىكى ئاتالغۇلارنى قېلىپلاشتۇرۇش ۋە شىركەتنىڭ يېڭى مەخسۇلاتلىرى ھەققىدە سۆز قىلدى .

ئاتالغۇلار تەتقىقاتىنى بايقاش ۋە قېلىپلاشتۇرۇش نۆۋەتتە قوش تىللىق ئوقۇتۇش خىزمىتىدىكى جىددىي ئىشلارنىڭ بىرى بولۇپ قالدى .مۇشۇ نۇقتىدىن ئالغاندا بۇ قېتىمقى يىغىن تولىمۇ زور ئەھمىيەتكە ئىگە بىر يىغىن بولۇپ،ئىناق جەمىيەت قۇرۇش قوش تىللىق ئوقۇش خىزمىتى ئۈچۈن تۈرۈتكە بولىدىغان بىر يىغىن بولغۇسى.