ئامېرىكا ‹‹ نيۇيورك كۈندىلىك خەۋىرى گېزىتى ›› نىڭ 8-ئىيۇندىكى خەۋىرىگە قارىغاندا، شۇ يەر ۋاقتى 6-ئىيۇن نيۇيورك شەھىرىدە يىلدا بىر ئۆتكۈزۈلىدىغان خەلقئارا لولىتا بايرىمى تەبرىكلەنگەن بولۇپ، كىشىلەر لولىتا ئۇسلۇبىدا ياسىنىپ كوچىلاردا نامايىش قىلغان. مانخاتتان كوچىسى ‹‹ لولىتا قىزلار ›› بىلەن تولغان.
لولىتا دېگەن سۆز 1962-يىلى ئىشلەنگەن كىنو ‹‹ لولىتا ›› دىكى باش پېرسوناژ قىزنىڭ ئىسمىدىن كەلگەن بولۇپ، كېيىن كىشلەر 15 ~ 16 ياشلاردىكى ساددا، پاك قىزلارنى مۇشۇ ئىسىم بىلەن سۈپەتلەيدىغان بولغان، 20-ئەسىرنىڭ 90-يىللىرى ياپونىيەدە ياش قىزلاردا كىچىك قىزلارغىلا خاس رەڭلىك كىيىملەرنى كېيىش قىزغىنلىقى كۆتۈرۈلگەن، كېيىن بۇ خىل كىيىنىش ئۇسۇلى لولىتاچە كىيىنىش دەپ ئاتىلىپ، پۈتۈن دۇنيادا مودا بولۇشقا باشلىغان.