بەيدۇ تورى خەۋىرى لەگلەك تورى تەرجىمىسى ،نۇرغۇن كىشىلەر ۋېلىسىپىت مىنىشنى ئۆگەنگەن چاغدا يىقىلىپ چۈشۈپ يارلانماي قالمايدۇ ،يېقىندا ئامېرىكىنىڭ بىر شىركىتى يۆلەپ تۇرمىسىمۇ ،قۇشۇمچە چاق ئورناتمىسىمۇ ۋېلىسىپىت مىنىشنى ئۆگەنگۈچى يىقىلمايدىغان بىر خىل ۋېلىسىپىتنى تەتقىق قىلىپ چىقتى ،بۇ ۋېلىسىپىتنى تەتقىق قىلىپ چىققان شىركەتنىڭ ئېيتىشىچە بۇنىڭ بىلەن ھەرقانداق ئادەم بىر كۈن ئىچىدە ۋېلىسىپىت مىنىشنى ئۆگىنىپ بولالايدىكەن .

سەككىز ياشلىق بىر قىزنىڭ ۋېلىسىپىت مىنىشنى ئۆگىنىۋاتقىنىغا بەش يىل بولغان بولسىمۇ ھازىرغىچە مىنىشنى ئۆگىنەلمىگەن ئىدى ،بىراق بۇ تەڭشەكلىك ۋېلىسىپىت ئۇنىڭ ۋېلىسىپىت مىنىش تېخنىكىسىنى خېلى ئۆستۈردى ،ئون مىنوت ئىچىدىلا بۇ قىز باشقىلارنىڭ ياردىمىسىز ئۆزى خېلى ئۇزۇنغىچە ۋېلىسىپىت مىنەلەيدىغان بولدى ،بۇ ئۆزىنىڭ تەڭپۇڭلۇقنى ساقلايدىغان ۋېلىسىپىت قارىماققا ئادەتتىكى ۋېلىسىپىت بىلەن ئانچە پەرقلىنىپ كەتمەيدۇ ،لېكىن ئۇنىڭ ئالدى چاقى ئۇيۇل بۇلۇپ ۋېلىسىپىتنىڭ ئۆرۈلۈپ چۈشمەسلىكىدىكى سىر مانا مۇشۇ يەردە .

بۇ ۋېلىسىپىتنىڭ ئالدى چاقى بىر كونترول قىلىش مەركىزى بۇلۇپ ،پىرقىرىغۇچ ئۈنۈمىنى پەيدا قىلىپ ،ۋېلىسىپىتنىڭ تەڭپۇڭلۇقنى ساقلايدۇ ، شۇڭا كىچىك بالىلار مىنىپ ئوڭ سولغا مىدىرلاتسىمۇ ئالدى چاقى ۋېلىسىپىتنى تىك تۇرغان ھالەتتە ساقلاپ بېرىدۇ .

كونترول مەركىزىگە USBئېغىزى ئارقىلىق توك زەرەتلىگىلى بولىدۇ .بىر قېتىم توك زەرەتلىسە ئۈچ سائەت يېتىدۇ ،بۇ كىچىك دوستلارنىڭ ۋېلىسىپىت مىنىشنى ئۆگىنىش ئىشەنچىسىنى ئاشۇرىدۇ .بالىلارنىڭ تېخنىكىسى ئۆسكەندە چوڭلار ئۇنى ئېلىۋېتىپ ،تەڭشەكلىك ۋېلىسىپىتنى ئادەتتىكى ۋېلىسىپىت قىلىپ بەرسە بولىدۇ ،كونترول قىلىش مەركىزىنى ئايرىم سېتىۋېلىپ ئادەتتىكى ۋېلىسىپىتكە ئورناتسىمۇ بولىدۇ .تېزگىنەكتىن بىرنى سېتىۋېلىپ بالىلار ۋېلىسىپىت ئۆگەنگەندە چوڭلار تىزگىنەك ئارقىلىق تەڭپۇڭلاشتۇرغۇچنى ئۆزگەرتسە بۇ تېخىمۇ قولاي .

لەگلەك تورى ئۈندىدار سالونىنى قۇشىۋېلىڭ ئىزدەش نومۇرى :LEGLEK