‏يېقىنقى خەلقئارا سەھنىدە ئوباما ھۆكۈمىتىنىڭ ئىپادىسى كىشىلەرنىڭ غەلۋىسىنى قوزغايدۇ. ئالدى بىلەن ھۆكۈمەت ئەمەلدارى خاگىل ئاسىيادا بىھۇدە سۆزلەرنى قىلىپ جۇڭگونى ئاشكارا ئەيىبلىدى .كېيىن زوڭتۇڭ ئوباما پولشادا ئامېرىكا ياۋروپادىكى ھەربىي ئىشلار مەۋجۇتلۇقىنى كۆپەيتىدۇ، دېدى. بۇ مەزگىلدە ئوبامانىڭ ئامېرىكا دۇنياغا يەنە يۈز يىل ھۆكۈمرانلىق قىلىدۇ دېگەن سۆزلىرى ياڭرىدى. ئوباما دىپلوماتىيە ساھەسىدە نېمە ئۈچۈن ئۇشتۇمتۇت بۇ خىل سۆزلەرنى قىلىدۇ؟

ئوباما بىر ئاز ساراسىمىگە چۈشكەندەك قىلىدۇ. 11-ئاينىڭ ئوتتۇرىلىرىدىكى سايلام بارغانسېرى يېقىنلىشىپ كەلمەكتە. ئوبامانى قوللاش نىسبىتىنىڭ تەڭپۇڭ بولۇشى دېموكراتلار پارتىيىسى ئۈچۈن پايدىسىز، كېڭەش پالاتاسى دېموكراتلار پارتىيىسىنىڭ تىزگىنلىشىدىن تەدرىجىي ئايرىلىۋاتقاندەك قىلىدۇ. ۋاشىنگتون پوچتا گېزىتىنىڭ ماقالىسىدە مۇنداق دەپ كۆرسىتىلدى: جۇمھۇرىيەتچىلەر پارتىيىسى كېڭەش پالاتاسىنى قولغا كەلتۈرەلىسە، كېلەر يىلى پارلامېنتتىكى ئىككى پالاتانى تىزگىنلىيەلەيدۇ. زوڭتۇڭ ئوباما ئىلاجسىز قالىدۇ. شۇ ۋاقىتتا ئوباما ھەقىقىي پالەچ ھالەتكە چۈشىدۇ. ئۇ ۋەزىپە ئۆتەيدىغان كېيىنكى ئىككى يىلدا ھېچقانداق ئىشنى ۋۇجۇدقا چىقىرالماسلىقى مۇمكىن.

ۋەزىيەتكە ئۈمىدۋارلىق بىلەن قاراشقا بولمايدۇ. دۆلەت ئىچىدە ئوباما مۇھىم دەپ قاراۋاتقان داۋالاش ئىسلاھاتىدا مۇنازىرە ئۈزۈلمەيۋاتىدۇ. 1-ئاپرېل ھارپىسىدا ئامېرىكا بىرلەشمە ئاگېنتلىقىنىڭ بىر تۈرلۈك خەلق رايىنى تەكشۈرۈشتە كۆرسىتىلىشىچە: داۋالاش ئىسلاھاتى قانۇن لايىھىسىنى قوللاش نىسبىتى %26 گە چۈشۈپ، يولغا قويۇلغاندىن بۇيانقى ئەڭ تۆۋەن رېكورت ياراتقان، دېموكراتلار پارتىيىسى تەمىنلىگەن مەلۇمات %27 گە يەتكەن. دەسلەپتە پارلامېنتتىن ئۆتۈپ، ئالىي خەلق سوت مەھكىمىسى ھۆكۈم چىقىرىپ، ئىككى پارتىيە ئارىسىدا ماجىرا پەيدا بولۇپ، ھۆكۈمەت تاقىلىپ قالدى .

بۇنىڭ بىلەن ئوبامانىڭ داۋالاش ئىسلاھاتى داۋالغۇش مەزگىلىدە تۇرۇپ كەلدى. يولغا قويۇش داۋامىدا داۋالاش سۇغۇرتىسىنى سېتىۋېلىش تور بېكىتى پالەچ ھالەتكە چۈشۈپ قىلىپ، مىليونلىغان سېتىۋالغۇچىلار سۇغۇرتىنى ئەسلىدىكى تۆۋەن باھادا سېتىۋېلىش پەيتىنى يوقۇتۇپ قويدى. بۇ ئوبامانىڭ زوڭتۇڭلۇق ئابرۇيىنى ئېغىر دەرىجىدە ئاجىزلاشتۇردى. ئوتتۇرا مەزگىللىك سايلام يېتىپ كېلىشتىن ئىلگىرى ئوباما بىن لادىننى ئېتىپ تاشلاشقا ئوخشاش مۇھىم دەپ قاراۋاتقان داۋالاش ئىسلاھاتى دېموكراتلار پارتىيىسىنى ئاجىزلاشتۇردى.
‏
‏
‏ئوباما ھۆكۈمىتى ئۈچۈن ئېلىپ ئېيتقاندا،قىسقا مەزگىلدىكى ئىچكى سىياسەت جەھەتتە نومۇر ئالالمايدۇ. بۇنىڭ بىلەن ئۇ تەبىئىيلا چەتئەلگە يۈزلىنىپ، دىپلوماتىيە سەھنىسىدە جار سېلىشقا باشلىدى.

ئوباما بايان قىلغان دىپلوماتىيە ئىستراتېگىيىسىنى بەزىلەر ئوبامائىزم دەپ يىغىنچاقلىماقتا. بۇنىڭ ئاساسلىق ئالاھىدىلىكى يەرشارى بويىچە ئارىلىشىش ۋە يەككەچىلىك ئارىسىدىن ئوتتۇرا يول تېپىپ، ئامېرىكىنىڭ رەھبەرلىك ئورنىنى ساقلاش. ئامېرىكىنىڭ ھازىرقى دىپلوماتىيە ئالاھىدىلىكى ئەمەلىيەتتە دۆلەت ئاجىزلىشىش داۋامىدا ئەقىلگە تايىنىپ، ئۇرۇش قىلمايلا غوجامغا ئايلىنىش.

بەزىلەر ئوبامانىڭ خاراكتېرى ۋەزىيەتكە باقمايدىغان ئامېرىكا زوڭتۇڭى بولغانلىقىدىن ھەسرەتلەنمەكتە .ئامېرىكىنىڭ دۆلەت كۈچىنىڭ نىسبىي ئاجىزلىقى پاكىت. ئامېرىكىنىڭ خەلقئارا قانۇن ،خەلقئارا ئەھدىلەرگە تۇتقان پوزىتسىيىسى بۇنىڭغا روشەن مىسال بولالايدۇ. ئامېرىكا زومىگەرلىككە ئادەتلىنىپ قالدى. خەلقئارا قانۇن ، خەلقئارا ئەھدىنامىلەردە ئۆزىگە پايدا بولغاننى قوبۇل قىلىدۇ، پايدا بولمىغان تەرەپلەرنى قوبۇل قىلمايدۇ. ھەتتا قىسمەن خەلقئارا قانۇن ياكى ئەھدىنامىلەرگە خىلاپلىق قىلىدۇ. لېكىن ھازىر، ئامېرىكا كۆپلىگەن مەسىلىلەرنى ھەل قىلغاندا ھەر قايسى دۆلەتلەردىن خەلقئارا قانۇنغا ئەمەل قىلىشنى تەلەپ قىلماقتا. مەسىلەن سۇرىيە مەسىلىسىدە ئامېرىكا خىمىيىلىك قۇراللارنى ئىشلىتىشنى مەنئى قىلىش جەنۋە ئەھدىنامىسىنى تەكىتلىدى.

ئوبامانىڭ غەربىي نۇقتا ھەربىي مەكتەپتە سۆزلىگەن نۇتقىدا ھەربىي ئارىلىشىشنىڭ چېكى بىلدۈرۈلدى. ئامېرىكىنىڭ مەنپەئەتىگە بىۋاسىتە زىيان يەتكەن ھامان ئامېرىكا ئەسكەرلەرنى ئىشقا سالىدۇ. ئوباما ھەربىي ھەرىكەت قوللانغاندا ئۆزىنى تۇتۇۋېلىشى يىگىنىسنى ئۆز ئىچىگە ئالغان قىسمەن تەھلىلچىلەرنىڭ ئېتىراپ قىلىشىغا ئېرىشتى. چۈنكى بۇ خىل ئۆزىنى تۇتۇۋېلىش يىگىنىسى ھەتتا ئىزىنخاۋىرنىڭ ئوتتۇرىغا قويغىنى بىلەن ئوخشاش.ئوباما ھەرىكەت قوللىنىش ئارقىلىق ئۆزىنى نوبېل تىنچلىق مۇكاپاتىغا ئېرىشكۈچىگە ئايلاندۇرماقچى بولىۋاتىدۇ. ئامېرىكىنىڭ يەر شارى ئىشلىرىغا ئارىلىشىش دەۋرى يىراقلاشتى، ئوباما ھۆكۈمىتىنىڭ جار سېلىشى شەكىللىنىپ بولغان ۋەزىيەتنى ئۆزگەرتەلمەيدۇ.