[يەرشارى ۋاقىت گېزىتى ئۇنىۋېرسال خەۋرى]"ئامېرىكا چوقۇم خەلقئارادىكى رەھبەرلىك ئورنىنى ساقلىشى كېرەك. ئەگەر بىز رەھبەرلىك قىلالمىساق، باشقىلار تېخىمۇ قىلالمايدۇ". ئامېرىكا زوڭتۇڭى ئوباما 28 – چېسلا غەربىي نۇقتا ھەربىي مەكتەپ ئوقۇچىلىرىغا دۆلەتنىڭ نۆۋەتتىكى ئالاھىدە رولىنى يۇقىرىقىدەك تەكىتلىدى.شۇنداقلا، ئۆزىنىڭ دىپلوماتىيە جەھەتتىكى"يۇمشاق قول" دەپ ئەيبىلىنىشىىنى ئىنكار قىلىپ، قارىغۇلارچە ھەربىي يۈرۈشلەرنىڭ ھەرگىزمۇ ئامېرىكا رەھبەرلىك كۈچىنىڭ ئاساسىي تەركىبى ئەمەسلىكىنى ئەسكەرتتى.

ئوبامانىڭ "كېيىنكى ۋەزىپە ئۆتەش مەزگىلىدىكى دىپلوماتىيە ئومۇمى ئىستىراتىگىيەلىك پىلانى" دەپ قارالغان، ھەربىي مەكتەپتىكى نوتۇقىدا، ئوباما جەنۇبىي دېڭىز مەسىلىسىنى يەنە تىلغا ئېلىپ، ئامېرىكا ئارمىيەسىنىڭ چوقۇم كىرزىسلارغا ياخشى تەييارلىق قىلىشىنى تەكىتلىدى. چۈنكى، جەنۇبىي دېڭىز رايۇنلىرىدىكى "رايۇن خارەكتېرلىك تاجاۋۇزچىلىق" ھەرىكەتلىرى ئامېرىكىنىڭ ئىتتىپاقداشلىرىغا تەسىر قىلىشى، شۇنداقلا ئامېرىكا ئارمىيسىنىمۇ كىرزىسقا سۆرەپ كېرىشى مۇمكىن. بۇ خىل پوزىتسىيە ناھايىتى تىزلىكتە فىلىپپىن، ۋىيېتنام قاتارلىق دۆلەتلەرنىڭ مىدىيالىرىدا "سېغىز كەمپۈت" دەپ ئاتالدى. فىلىپپىن تەرەپ "ئامېرىكا، فىلىپپىن قاتارلىق ئىتتىپاقداشلىرى قىيىنچىلىققا ئۇچىرىغاندا قورال كۈچى ئىشلىتىدۇ" دەپ بەس – مۇنازىرە قىلدى. ئامېرىكا ئىتتىپاقداشلىرىدىن بولمىغان ۋىيېتنام مېدىيالىرى "ئوباما ئامېرىكىنىڭ شەرقىي – جەنۇبىي ئاسىيا ئەللىرى ئىتتىپاقنى قوللايدىغانلىقىنى جاكارلىدى" دەپ خەۋەر قىلدى.

يىقىندىن بۇيان ئامېرىكا تەرەپ جەنۇبىي دېڭىز مەسىلىسىدە ئىزچىل جوڭگۇنى ئەيىبلەپ، فىلىپپىن، ۋېيتنام تەرەپكە يان بېسىش پوزىتسىيسىدە بولۇپ كەلدى. ئەجەبا ئامېرىكا راستىنلا "قورال كۈچى" ئىشلىتەمدۇ؟ تەھلىلچىلەرنىڭ بىردەك كۆز - قارىشى: ھېچبولمىغاندا ھازىرچە بۇ خىل ئىھتىماللىق يوق. جوڭگۇ خەلق ئۇنۋېرستىتى پىروفسۇرى يىن خوڭنىڭ 29 – چېسلا "يەرشارى ۋاقىت گېزىتى" نىڭ زىيارىتىدە مۇنداق دېگەن:" ئامېرىكا جەنۇبىي دېڭىز مەسىلىسىدە جوڭگۇ بىلەن قارشىلىشىپ، تەھدىد ئىشلىتىپ، قورقۇتۇشلىرىنىڭ سەۋەبى پەقەتلا جوڭگۇنى ئامېرىكىغا بويسۇنۇشقا مەجبۇرلاش. مانا بۇ ئامېرىكىنىڭ دۇنيادا رەھبەرلىك ئورنىنى ساقلاشتىكى ۋاستىسى".

"ئوباما جەنۇبىي دېڭىز تاجاۋۇزلۇق ھەرىكەتلىرىگە قارشى" - فىرانسىيە ئاگېنتلىقى دېىققەت نەزىرىنى ئوبامانىڭ جەنۇبىي دېڭىز مەسىلىسىگە بولغان پوزىتسىسگە قاراتتى. خەۋەردە دىيىلىشىچە، ئوباما، جوڭگۇنىڭ جەنۇبىي دېڭىز رايۇنلىرىدىكى قوشنا دۆلەتلەرگە بولغان "تاجاۋۇزچىلىق" قىلمىشىلىرىغا قارىتا تاقابىل تۇرۇشقا تەييارلىق قىلىش كېرەكلىكىنى ئاگاھلاندۇرغان. شۇنداقلا، ۋاشىنگىتوننىڭ باش بولۇپ مۇھىم خەلقئارالىق ئەھدىنامىلەرنى تەستىقلايدىغانلىقىنى بىلدۈرگەن.

ئوباما : "ئامېركا يەككىچىلىكتىن قۇتۇلۇشى، ئامېرىكا ئارمىيسى كىرزىسقا ئوبدان تەييارلىق قىلىشى كېرەك" دېگەن. ئۇ يەنە " بىسىقتۇرۇلمىغان رايۇن خارەكتېرلىك تاجاۋۇزچىلىق، مەيلى ئوكىرائىنانىڭ جەنۇبىدا، جەنۇبىي دېڭىز رايۇنلىرىدا ياكى دۇنيانىڭ ھەرقانداق يىرىدە بولسۇن، ئاخىرىدا بىزنىڭ ئىتتىپاقداش دۆلەتلىرىمىزگە تەسىر يەتكۈزىدۇ. شۇنداقلا، ئامېرىكا ئارمىيسىنى كېرزىسقا سۆرەپ كىرىدۇ" دەپ تەكىتلىگەن. بىراق، ئوباما يەنە ھەرقانداق قورال كۈچى ئىشلىتىش قارارىدا چوقۇم قاتتىق ئىھتىيات قىلىش كېرەكلىكىنى تەكىتلەپ، "ئەگەر خەلقئارادا ياخشى ئۈلگە بولالىساق، ئامېرىكىنىڭ خەلقئارادىكى ئىناۋىتى تېخىمۇ ئاشىدۇ" دېگەن. ئوباما يەنە، "ھەربىي ئىشلار كۆپ قىتىم دېڭىز – ئوكيان ئەھدىنامىسى نىڭ ئامېرىكا بىخەتەرلىكىگە زور پايدىسى بارلىقىنى كۆرسەتكەن بولسىمۇ، بىراق ئامېرىكا كېڭەيىش پالاتاسى تىخىچە بۇ ئەھدىنامىنى تەستىقلىمىدى. بۇ خىل ئەھۋالدا جوڭگۇ تەرەپتىن "دېڭىز – ئوكيان ئەھدىنامىسى" گە ئاساسەن تالاش – تارتىشنى ھەل قىلىشنى تەلەپ قىلىش قىيىن" دەپ كۆرسەتكەن. ئەنگىلىيە رادىئو – تىلىۋېزىيە شىركېتى بۇ ھەقتە: "ئوباما: ئامېرىكا جوڭگۇنىڭ تاجاۋۇزچىلىقىغا قارىتا تەييارلىق كۆرۈپ بولدى" ماۋزۇلۇق خەۋەر باسقان .

ئوبامانىڭ جەنۇبىي دېڭىز مەسىلىسى ھەققىدىكى سۆزلىرى ناھايىتى تىزلىكتە فىلىپپىن، ۋىيېتنام قاتارلىق دۆلەتلەرنىڭ ئالقىشىغا ئېرىشكەن. "فىلىپپىن ھەربىي يۇلتۇز گېزىتى" دە 29 – چېسلا "ئوباما: ئەگەر ئىتتىپاقداشلارنىڭ بىخەتەرلىكى تەھدىدكە ئۇچىرىسا، ئامېرىكا قورال كۈچى ئىشلىتىدۇ" تىمىسىدا خەۋەر ئېلان قىلىپ، "ئوبامانىڭ پوزىتسىيسى فىلىپپىن قاتارلىق ئىتتىپاقداشلىرىغا بولغان تەسەللىي" دېگەن. ئوباما ۋاشىنگىتون تەرەپنىڭ كۈنسىرى جىددىيلىشىۋاتقان جەنۇبىي دېڭىز مەسىلىلىرىنى تىنىچ ھەل قىلىشقا رىغبەتلەندۈرىدىغانلىقىنى ، شەرقىي ئاسىيا ئەللىرى بىلەن جوڭگۇ ئوتتۇرىسىدكى جەنۇبىي دېڭىز تالاش – تارتىشلىرى ۋە سۆھبەت ئۇرۇنۇشلىرىنى قوللايدىغانلىقىنى تەكىتلىگەن. شۇنداقلا، زۆرۈر بولسا كىرزىسلارغا قارىتا كەسكىن ئىپادە بىلدۈرىدىغانلىقىنى، قورال كۈچى ئىشلىتىشنىمۇ ئۆز ئىچىگە ئالىدىغانلىقىنى بىلدۈرگەن.