مالايسىيا سابىق زوڭتۇڭى ماھادىر 10 – چېسلا بىلوگىدا يازما ئېلان قىلىپ، بەزىلەرنىڭ MH370 يولۇچىلار ئايروپىلانىنىڭ يوقاپ كېتىش ھەقىقىي سەۋەبىنى يۇشۇرغانلىقى،مالايسىيا ئاۋئاتسىيسىسى ۋە ھۆكېمىتىنى ئەيىبلەۋەرمەي، ھەقىقىي ئەھۋالنى بويىن شىركېتى ۋە ئامېرىكا مەركىزى ئاخبارات ئىدارىسىدىن سۈرۈشتۈرىشى كېرەك ئىكەنلىكىنى بايان قىلغان.

يازمىدا يەنە"MH370 نىڭ خەۋەرلىشىش ئۈسكۈنىلىرى ۋە GPS ئورۇن بەلگىلەش سىستېمىسى چوقۇم تاقىۋىتىلگەن. MH370 نىڭ مەسئۇل شىركېتى بولۇش سۈپىتى بىلەن، بۇ ئۈسكۈنىلەرنى پۈتۈنلەي بويىن شىركېتى ياسىغان ۋە ئورۇنلاشتۇرغان، شۇڭا بويىن شىركېتى چوقۇم بۇ ئۈسكۈنىلەرنى ئاسانلىقچە تاقىۋىتىشكە بولمايدىغانلىقىغا كاپالەتلىك قىلىشى كېرەك ئىدى، چۈنكى بۇلار ئايروپىلاننىڭ بىخەتەر ۋە نورمال ھەرىكەتلىنىشى ئۈچۈن تولىمۇ مۇھىم " دەپ كۆرسىتىلگەن.
  يازمىدا" بويىن شىركېتى 2006 – يىلى ياساپ چىققان ئاپتوماتىك باشقۇرۇش سىستېمىسى ئامېرىكا پاتنىت ھوقۇقىغا ئېرىشكەن بولۇپ، بۇ سىستېما قوزغىتىلغان ھامان ئايروپىلان پۈتۈنلەي سىستېما كونتىروللۇقىغا ئۆتىدۇ، بۇ سىستېما يەنە بويىن شىركېتىگە قاراشلىق ئاۋئاتسىيە ئايروپىلانلىرىنى ئالدىن بەلگىلەنگەن خالىغان نوقتىغا مەجبۇرىي قوندۇرالايدۇ" دىيىلگەن.

   ماھادىر مەلۇم توربەتتىكى 2006 – يىلى يوللانغان بىر پارچە خەۋەرنى نەقىل قىلىپ" ناۋادا تىرورچىلار ئايروپىلاننى كونترول قىلماقچى بولسا، ئايروپىلان ئۆزلۈگىدىن ئاپتوماتىك باشقۇرۇش سىستېمىسى نى قوزغىتىدۇ. بىراق ئامېرىكا مەركىزى ئاخبارات ئىدارىسىمۇ بۇ سىستېمىنى سۈننىي ھەمراھ ئارقىلىق يىراقتىن كونترول قىلىپ قوزغىتالايدۇ" دېگەن.

ماھادىر يەنە "ئېنىقكى، بويىن شىركېتى ۋە مەلۇم ئورگانلارنىڭ MH370 نى ئۆز ئىچىگە ئالغان ئاۋئاتسىيە ئايروپىلانلىرىنى يىراقتىن باشقۇرۇش ئىقتىدارى بار. ئۇنداقتا، مەلۇم كىشى ياكى ئورۇننىڭ ئايروپىلان كونتىروللۇقىنى ۋاستىلىك ياكى بىۋاستە ئۇسسۇلدا قولغا چۈشۈرۈپ، ئايروپىلان خادىمىنى پۈتۈنلەي ئامالسىز قالدۇرغان بولىشى مومكىنمۇ – يوق؟" دەپ سورىغان.

  ئۇنىڭ قارىشىچە: ئايروپىلان قالدۇق قىسمىنى، ماي ئىزىنى ياكى قارا قۇتىنى ئىزدەشلەر پۈتۈنلەي ۋاقىت ۋە پۇل ئىسىراپچىلىقى ئىكەن، بۇ قېتىمقى ھادىسىنىڭ ئايروپىلان يىقىلغۇسى تۈگىگەندىن كېيىنكى ئامالسىز قونۇشتىن كېلىپ چىقمىغانلىقى، MH370 نۆۋەتتە مەلۇم جايدا يۇشۇرۇلغان ۋە ئايروپىلاندىكى مالايسىيا ئاۋئاتسىيە بەلگىلىرىنى پۈتۈنلەي ئۆزگەرتىلگەن بولۇشى مۇمكىن ئىكەن.

ماھادىر "بويىن شىركېتى چوقۇم بۇ ئاتالمىش تىرورچىلىققا قارشىئاپتوماتىك باشقۇرۇش سىستېمىسى ھەققىدە ئېنىق چۈشەنچە بېرىشى كېرەك. ئايروپىلان خادىمىنىڭ باشقا تەدبىر قوللىنالايدىغان ئەھۋالدا، قاراپ تۇرۇپ ئۆزىنى ئايروپىلان بىلەن بىللە دېڭىزغا ئېتىش مېنى قاتتىق گۇمانلاندۇرىدۇ" دەيدۇ.