يەر شارى تورىنىڭ 23-مارتتىكى خەۋىرى، باغداش تورىدىن ئىرپان تەرجىمىسى:

فرانسىيە «نۇقتىئىنەزەر گېزىتى»نىڭ 3-ئاينىڭ 22-كۈنىدىكى خەۋىرىگە ئاساسلانغاندا، يەمەن ھۆكۈمىتىنىڭ مەسئۇلى شۇ جاي ۋاقتى 3-ئاينىڭ 22-كۈنى ئاشكارىلىشىچە، سەئۇدى ئەرەبىستان رەھبەرلىكىدىكى كۆپ دۆلەت ھەربىي ئىتتىپاقى يەمەن ئەل-قائىد تەشكىلاتىنىڭ بىر مەشىق لاگىرىغا ھاۋا ھۇجۇمى قىلىپ، مەزكۇر تەشكىلاتنىڭ نەچچە ئون ئادىمىنى تالاپەتكە ئۇچراتقان.

ئەل-قائىد تەشكىلاتىنىڭ مەشىق بازىسى يەمەن خادراماۋت ئۆلكىسى مۇقالا شەھىرىنىڭ غەربىگە جايلاشقان. ئەل-قائىد تەشكىلاتى 2015-يىلدىن باشلاپ مەزكۇر رايوننى كونترول قىلغان. يەرلىك خادىم فرانسىيە ئاخبارات ئاگېنتلىقىغا ئاشكارىلىشىچە، ئەل-قائىد تەشكىلاتىنىڭ مەشىق گازارمىسى بىر قاتار ھاۋا ھۇجۇمىغا ئۇچرىغان، يارىدار بولغان ئۇنسۇرلار مۇقالا شەھەرلىك دوختۇرخانىغا ئېلىپ بېرىلغان. يەرلىك بىر قىسىم ئاممىنىڭ دېيىشىچە، ئەل-قائىد تەشكىلاتىنىڭ ئون نەچچە ئەزاسى دەرھال دوختۇرخانىغا بېرىپ يارىدارلارغا قان تەقدىم قىلغان.

ئەرەب ئىتتىپاقى 2015-يىلىدىن باشلاپ يەمەن ھۆكۈمىتىنىڭ ھۈسۈيۈن قوراللىق تەشكىلاتىغا قارشى تۇرۇشىنى قوللاشقا باشلىدى.