پاكىستان تاراتقۇلىرىنىڭ خەۋىرىگە قارىغاندا، بىر پويىز شۇ يەر ۋاقتى 2015-يىلى 2-ئىيۇل پاكىستاننىڭ شەرقىدىكى پەنجاب ئۆلكىسى گۇجرانۋالا رايونىدا دەرياغا چۈشۈپ كەتكەن، ۋەقەدە ئاز دېگەندىمۇ 12 ئادەم قازا قىلغان، 100 دەك ئادەم يارىلانغان.
خەۋەردە دېيلىشىچە، بۇ پويىزنىڭ جەمئىي 21 يۈك ۋاگونى، ئالتە يولۇچىلار ۋاگونى بولۇپ، جەمئىي 200 دىن ئارتۇق يولۇچى ئولتۇرغان، يۈك ۋاگونلىرىغا ھەربىي ماددىي ئەشيالار بېسىلغانىكەن. پويىز شۇ جايدىكى بىر قانال كۆۋرۈكىدىن ئۆتۈۋاتقاندا كۆۋرۈك گەۋدىسى ئۆرۈلۈپ چۈشكەن، بۇنىڭ بىلەن تۆت ۋاگون قانالغا چۈشۈپ كەتكەن.