شىنخۇا تورى 19- مارت خەۋىرى: باغداش تورىدىن: ئابلىمىت تەرجىمىسى

بىرلەشكەن دۆلەتلەر تەشكىلاتىنىڭ كىشىلىك ھوقۇق مەسىلىسى بۇيىچە ئالىي دەرىجىلىك مەخسۇس خادىمى زايىد.ئەل.ھۈسەييىن 3- ئاينىڭ 18- كۈنى مۇنۇلارنى بىلدۈرگەن: سەئۇدى ئەرەبسىتاننىڭ ئەرەب دۆلەتلەرگە باش بولۇپ يەمەندە ھەربىي ھەرىكەت ئېلىپ بېرىشى خەلقئارا قانۇنغا خىلاپ، ئۇلار ئۇرۇش جىنايىتى ۋە ئىنسانىيەتكە قارشى چىقىش جىنايىتى ئۆتكۈزدى.

3- ئاينىڭ 15- كۈنى سەئۇدى ئەرەبسىتان باشچىلىقىدىكى كۆپ دۆلەت بىرلەشمە ئارمىيەسى يەمەننىڭ غەربىي شىمالىغا جايلاشقان ھاجى ئۆلكىسىدىكى بىر قايناق بازارنى بومباردىمان قىلىغان. بىرلەشكەن دۆلەتلەر تەشكىلاتى بالىلار فوندى جەمئىيىتىنىڭ يەمەندە تۇرۇشلۇق مۇئاۋىن ۋەكىلى رېلانونىڭ 18- مارت بىلدۈرۈشىچە، بۇ قېتىمقى ھاۋا ھۇجۇمىدا قازا قىلغانلار 119 غا يەتكەن بولۇپ، بۇلارنىڭ ئىچىدە يەنە 22 ئۆسمۈر بار ئىكەن.

ھۈسەييىن يەنە مۇنداق دېگەن: سەئۇدى ئەرەبسىتان باشچىلىقىدىكى ئىتتىپاقداش ئارمىيەنىڭ 15- مارت يەمەننىڭ ھاجى ئۆلكىسىنى بومباردىمان قىلىشى بىر زوراۋانلىق ھەرىكىتى، سەئۇدى ئەرەبسىتان باشچىلىقىدىكى بىرلەشمە ئارمىيە پەيدا قىلغان بىگۇناھ پۇقرالارنىڭ ئۆلۈش-يارىلىنىش ئەھۋالى باشقا قىسىملەرنىڭكىدىن ئىككى ھەسسە ئارتۇق. بىرلەشمە ئارمىيە قايناق بازار، مەكپەت، دوختۇرخانا، ئامبولاتۇرىيە، زاۋۇت، توي يۆتكەش ئەترىتى ۋە نەچچە يۈز شەخسى تۇرالغۇنى بومباردىمان قىلدى. ئەمما سەئۇدى ئەرەبسىتان ھازىرغا قەدەر ھۈسەييىننىڭ بۇ سۆزلىرىگە ئىنكاس قايتۇرمىغان.