جاھان ئاگېنتلىقى 25-فېۋرال خەۋىرى؛ لەگلەك تورى تەرجىمىسى: ئامېرىكا تاشقى ئىشلار مىنىستىرى جن كېررىي پەلەستىن پرېزىدېنتى مەھمۇد ئابباسنىڭ ئىككى دۆلەت ئارىسىدىكى تىنچلىق مۇساپىسى ئۈچۈن تىنچ بولغان يېقىنلىشىش خىزمىتىنى داۋاملاشتۇرغانلىقىنى ئېيتتى، «ئەگەر پەلەستىن ھۆكۈمىتى مەغلۇب بولسا ئۇلارنىڭ ئورنىغا كىم چىقىدۇ؟ خاماسمۇ؟ ئىسلامى جىھادمۇ؟» دەپ سۆز قىلدى. جون كېررىي بەش بۈرجەكلىك بىنا تاشقى مۇناسىۋەتلەر كومىتىتىدىكى يىغىنغا قاتنىشىپ، قاتناشقۇچىلارنىڭ سۇئالىغا جاۋاب بەردى.

پەلەستىن ھۆكۈمىتى ئۆتكەن يىلى دېكابىر ئېيىدا خەلقئارا سوت مەھكىمىسىنىڭ ئاساسى كېلىشىمى «روم كېلىشىمى»نى ئۆز ئىچىگە ئالغان بەزى خەلقئارا كېلىشىملەرگە قۇشۇلۇش ئىمزاسى قويغان ئىدى، بۇ ئۆزگىرىشلەردىن كېيىن ئىسرائىلىيەمۇ پەلەستىن ھۆكۈمىتىگە بېرىدىغان تۆلەملەرنى ئۆتەشنى قارار قىلغان ئىدى. ئامېرىكا تاشقى ئىشلار مىنىستىرىكېررىي بىر سۇئالغا جاۋاپ بېرىپ؛«ئ‍ەگەر پەلەستىن ھۆكۈمىتى مەغلۇب بولسا كىم ئۇلارنىڭ ئورنىغا چىقىدۇ؟ خاماسمۇ؟ ئىسلامى جىھادمۇ؟ مەن بىلمەيمەن، ئەمما شۇنى بىلىمەنكى پەلەستىن ھۆكۈمىتى نۇرغۇن قېتىم بىر قانچە نوقتىدا قىيىنچلىق پەيدا قىلسا پەلەستىن پرېزىدېنتى مەھمۇد ئابباس ئىككى دۆلەتنىڭ تىنچلىق مۇساپىسىنى ئىشقا ئاشۇرۇش چارىسى ئۈچۈن زوراۋانلىقتىن يىراق تۇرۇشنى ۋە تىنچ يېقىنلىشىش ۋەدىسىنى داۋاملاشتۇرىدۇ» دەپ سۆز قىلدى.

كېررىي پەلەستىننىڭ « دۆلەت بولىغانلىقى ئۈچۈن خەلقئارا سوت مەھكىمىسىگە قاتنىشىش ھۇقۇقى يوقلىقىنى» تەكرارلاپ، بۇ ھەقتە باشقا دۆلەتلەر بىلەن سۆھبەتلەشكەنلىكىنى ئەمما بىرەر يەكۈن چىقمىغانلىقىنى ئېيتتى.

ئامېرىكا پرېزىدېنتى بىراك ئوباما بۇ يىغىنغا سۇنغان پىكرىدە، ئىراق ۋە شام ئىسلام دۆلىتى بىلەن بولغان كۈرەشتە كۈچ ئىشلىتىشكە ئالاقىدار ئۇزۇن مەزگىللىك ئۇرۇش، قۇرۇقلۇق ئۇرۇشىغا رۇخسەت بېرىلمىگەنلىكىنى ئېيتتى. كېررىيمۇ ئىراق ۋە شام ئىسلام دۆلىتىنىڭ ئارقىسىدىن قوغلاش ھەرىكىتى ئۈچۈن رۇخسەت قىلمايدىغانلىقىنى ، ئەمما ئالاھىدە ھەرىكەتلەر، تۇتقۇن قىلىنغانلارنى قۇتقۇزۇش قاتارلىق بەزى ئەھۋاللاردا كۈچ چىقىرىدىغانلىقىنى ئېيتتى.