2-ئاينىڭ 4-كۈنى، گۇاڭدۇڭ شېنجېن، شېنجېن ساقچىلىرى سەككىز كۈن ئىچىدە ئۈچ ئۆلكىنى ئايلىنىپ، سىچۈەن لۇجۇنىڭ گۇتاۋ ناھىيەسىدىن 1-ئاينىڭ 26-كۈنى ئالداپ كېتىلگەن تۆت ياشلىق ئوغۇل بالىنى قۇتقۇزۇۋالدى، بۇ ئوغۇل بالا ساقچىلارنىڭ مۇھاپىزىتىدە شېنجېنغا قايتىپ كەلدى. ئايرودرومدا بىر ئائىلىدىكى ئۈچەيلەن چاغان كېلىشتىن بۇرۇن جەم بولدى.

          رەسىمدە، 2-ئاينىڭ 4-كۈنى، ئالداپ كېتىلگەن تۆت ياشلىق ئوغۇل بالا بىخەتەر ھالدا شېنجېنغا قايىتىپ كىلىپ ئايرودرومدا ئائىلىسىدىكىلەر بىلەن جەم بولدى.

          خەۋەرلەرگە قارىغاندا، 1-ئاينىڭ 26-كۈنى سائەت 12 دە، لۇڭخۇا ج خ تارماق ئىدارىسىنىڭ لۇڭخۇا ساقچىخانىسى بالىسىنى يىتتۈرۈپ قويغان دېڭ موفىڭنىڭ دېلو مەلۇم قىلىش تېلېفونىنى قوبۇل قىلغان. ئۇنىڭ ئوغلىنىڭ ئىسمى دىڭ يۈەن (ئۆزگەرتىلگەن ئىسىم) بولۇپ، 1-ئاينىڭ 26-كۈنى لۇڭخۇا كوچىسى يۈەنخاۋ مېھمانخانىسىنىڭ ئۇدۇلىدىكى مېييىجيا قۇلايلىق دۇكىنى ئەتراپىدا يوقىلىپ كەتكەن، بالا ئۇچىسىغا كۆك رەڭلىك چاپان، قارا ئىشتان كىيگەن، بوي ئېگىزلىكى 1.3 مېتىر بولۇپ، قىسقا چاچ قويۇۋالغان. مەزكۇر بالا يوقىلىپ كەتكەندىن كېيىن، جەمئىيەتتىكىلەرنىڭ كەڭ دىققەت ئىتىبارىنى قوزغىغان، جەمئىيەتنىڭ ھەر قايسى ساھەسىدىكى مېھرىبان كىشلەر بۇ بالىنى بەس-بەستە ئىزدەشكە باشلىغان. مەزكۇر دېلو شېنجېن ساقچىلىرىنىڭ يۇقىرى دەرىجىدە كۆڭۈل بۆلۈشىگە ئېرىشكەن بولۇپ، ساقچىلار دەرھال مەخسۇس دېلو گورۇپپىسىنى قۇرۇپ چىققان. شېنجېن شەھەرلىك جامائەت خەۋپسىزلىكى ئىدارىسىنىڭ باشلىقى مەزكۇر دېلونى چاغاندىن بۇرۇن پاش قىلىپ، بالىنى قۇتقۇزۇشقا يوليورۇق بەرگەن.

         رەسىمدە 2-ئاينىڭ 4-كۈنى، ئالداپ كېتىلگەن ئوغۇل بالا ئائىلىسىدىكىلەر بىلەن جەم بولغان بولۇپ، بالىنىڭ دادىسى ئۆزىنىڭ ھاياجانلىق ھېسسىياتىنى شۇنداق تەستە بېسىۋالغانىدى.

       يىپ ئۇچىغا ئاساسەن تەكشۈرۈش ئارقىلىق، مەزكۇر بالىنىڭ 28-چىسلا سىچۈەننىڭ لۇجۇ گۇتاۋ ناھىيەسىگە ئالداپ كېتىلگەنلىكى مەلۇم بولغان. مەخسۇس دېلو گۇرۇپپىسىدىكى ئالتە غوللۇق خادىم قاتتىق سوغۇققا قارىماي، نۇرغۇن قىيىنچىلىقلارنى يېڭىپ، ئۈچ ئۆلكىنى ئايلىنىپ ئون نەچچە مىڭ كىلومېتىر مۇساپىنى باسقان. ئۇلار سىچۈەن ئۆلكىسى ۋە گۈيجۇ ئۆلكىسىدىكى جامائەت ئورگانلىرىنىڭ ياردىمىدە 2-ئاينىڭ 3-كۈنى سائەت ئىككىدە سىچۈەن ئۆلكىسى لۇجۇ شەھىرىنىڭ گۇتاۋ ناھىيەسىدىن 1-ئاينىڭ 26-كۈنى ئالداپ كېتىلگەن تۆت ياشلىق جاڭ مويۈەننى بىخەتەر قۇتۇلدۇرۇپ چىققان.

       رەسىمدە 2-ئاينىڭ 4-كۈنى، بالا قۇتقۇزىۋېلىنىپ ئايرودرومدا پەيدا بولغاندا بالىنىڭ ئانىسى بالىنى دەرھال قۇچاقلىۋالغان.

        ساقچىلارنىڭ ئېيتىشىچە، جىنايەتچىنى تۇتۇش جەريانىدا، ساقچىلار ئاللىبۇرۇنلا جىنايەتچىلەرنىڭ بىر ئەر بىر ئايال ئىكەنلىكىنى ئېنىقلاپ بولغان، ئاندىن كېيىن ئۇلار سىچۈەن ۋە گۈيجۇ تەرەپلەرگە بېرىپ تەكشۈرۈشنى باشلىۋەتكەن. بەلكىم جەمئىيەتتىكى ھەر قايسى كىشلەرنىڭ بېسىمىدىن بولغاچمىكىن، جىنايەت گۇماندارى بالىنى مېھمانخانىغا يالغۇز  تاشلاپ قويۇپ ئۆزى قېچىپ كەتكەن. ئەينى ۋاقىتتا ساقچىلار بالىنى تاپقان چاغدا بالا ئۆزى يالغۇز مېھمانخانىدا ئولتۇرۇپ تېلېۋىزور كۆرۈۋاتقانىدى.

       رەسىمدە 2-ئاينىڭ 4-كۈنى، ئالداپ كېتىلگەن بالىنىڭ ئائىلىسىدىكىلەر لوڭچېڭ ساقچىخانىسىغا قىزىل لەۋھە تەقدىم قىلىپ، خەلق ساقچىلىرىغا بولغان مىننەتدارلىقىنى بىلدۈرگەن.

          2-ئاينىڭ 4-كۈنى كەچ سائەت 7 دە، ساقچىلار ئالداپ كېتىلگەن بالىنى ئېلىپ شېنجىنغا قايتىپ كەلگەن، بالا ئايرودرومنىڭ زالىدا ئاتا-ئانىسى بىلەن كۆرۈشكەن. بالا بۇ قېتىمقى پېشكەللىككە ئۇچراپ ئازراق قورقۇنچاق بولۇپ قالغان، ئۇ باشتا ساقچىلارنىڭ قولىنى چىڭ تۇتىۋېلىپ قويۇپ بەرگىلى ئۇنىمىغان. نۆۋەتتە، ساقچىلار پۈتۈن كۈچى بىلەن جىنايەت گۇماندارىنى تۇتۇشقا ئاتلاندى. ساقچىلار ناھايىتى تېزلىكتە جىنايەت گۇماندارلىرىنى ئۆزلىرىنى مەلۇم قىلغۇزۇپ، ئۇلارنىڭ ئۆزلىرىنىڭ جىنايەت قىلمىشىنى ئىقرار قىلغۇزغان. ساقچىلار كەڭ خەلق ئاممىسىنى ئاكتىپلىق بىلەن پاش قىلىشقا ۋە يىپ ئۇچى بىلەن تەمىنلەشكە سەپەرۋەر قىلغان.