ياپونىيە تاراتقۇلىرىنىڭ خەۋەر قىلىشىچە، سۇبارۇ 28-يانۋار 2016-يىللىق يەرشارى سېتىش پىلانىنى ئېلان قىلغان. سۇبارۇ 2016-يىلى يېڭى ماشىنا يەرشارى سېتىش مىقدارى 1.033 مىلىيون يۈرۈشكە يەتكۈزۈشنى پىلانلىغان، ئوخشاش مەزگىلدىكىدىن %6 ئاشقان. گەرچە بۇ پىلان ياپونىيەدىكى سەككىز چوڭ ماشىنا ياساش شىركىتى ئېلان قىلغان سېتىش مىقدارى پىلانى ئىچىدە ئەڭ ئاز بولسىمۇ، ئەمما سۇبارۇ تۇنجى قېتىم سېتىش مىقدارى پىلانىنى 1 مىلىيون يۈرۈشكە يۇقىرى كۆتۈرگەن.

   بۇ قېتىم ئېلان قىلغان سېتىش مىقدارى پىلانى ئىچىدە، ياپونىيە دۆلەت ئىچىدىكى سېتىش مىقدارى پىلانى ئالدىنقى يىلىدىكى بىلەن تەڭلەشكەن، يەنى 162 مىڭ يۈرۈش، ئەكىسچە چەتئەل بازىرىدىكى سېتىش مىقدارى پىلانى ئوخشاش مەزگىلدىكىدىن %7 ئېشىپ، 871 مىڭ يۈرۈشكە يەتكەن. بۇنىڭ ئىچىدە سۇبارۇنىڭ سېتىش مىقدارى ۋە پايدىسى ئەڭ چوڭ كېلىش مەنبەسى دۆلىتى ئامېرىكا بازىرى بولۇپ، 2016-يىللىق سېتىش مىقدارى پىلانى 615 مىڭ يۈرۈش، ئوخشاش مەزگىلدىكىدىن %6 ئاشقان. 2009-يىلىدىن باشلاپ، سۇبارۇنىڭ يەرشارى يېڭى ماشىنا سېتىش مىقدارى پىلانى ئۇدا سەككىز يىل تارىخى رېكورتنى يېڭىلىغان. ئەكىسچە سۇبارۇنىڭ يەرشارى يېڭى ماشىنا سېتىش مىقدارى كەسىپ نەتىجىسىمۇ ئۇدا بەش يىل تارىخى رېكور يېڭىلىغان، 2012-يىلىدىكى 707 مىڭ يۈرۈشتىن %46 ئېشىپ، تۆت يىلدا سېتىش مىقدارى 1.5 ھەسسە ئاشقان.

   شۇ كۈنى سۇبارۇ يەنە 2015-يىللىق يېڭى ماشىنا ئىشلەپچىقىرىش مىقدارى، ياپونىيە ئىچىدىكى سېتىش مىقدارى، چەتئەلگە ئېكىسپورت قىلىش مىقدارى قاتارلىق كەسىپ نەتىجىسى سانلىق مەلۇماتىنى ئېلان قىلدى. سانلىق مەلۇماتتىن قارىغاندا، 2015-يىلى سۇبارۇنىڭ يەرشارى يېڭى ماشىنا ئىشلەپچىقىرىش مىقدارى 938.5 مىڭ يۈرۈش بولۇپ، ئوخشاش مەزگىلدىكىدىن %5.6 ئېشىپ، ئىشلەپچىقىرىش مىقدارى ئۇدا تۆت يىل ئالدىنقى يىلى ئوخشاش مەزگىلدىكى سەۋىيەدىن يۇقىرى بولغان. ياپونىيە دۆلەت ئىچىدىكى ئىشلەپچىقىرىش مىقدارى تەرەپتە، زاۋۇتنىڭ ئىشلەپچىقىرىش ئىقتىدارى يىللىق ئىشلەپچىقىرىش نىشانىدىن ئېشىپ كەتكەنلىكتىن، شۇ سەۋەبتىن 2015-يىلى سۇبارۇ ياپونىيە دۆلەت ئىچىدە جەمئىي 709.7 مىڭ يۈرۈش يېڭى ماشىنا ئىشلەپچىقارغان، ئوخشاش مەزگىلدىكىدىن %2 ئاشقان، ئىشلەپچىقىرىش مىقدارى ئۇدا تۆت يىل ئېشىش يۈزلىنىشىنى ساقلاپ قالغان. بۇنىڭ ئىچىدە ياۋروپا ۋە ئاۋىستىرالىيە بازىرىغا يۈزلەنگەن Outback ۋە شىمالى ئامېرىكا بازىرىغا يۈزلەنگەن SUBARU XV نىڭ ئىشلەپچىقىرىش مىقدارى كۆرىنەرلىك ئاشقان. چەتئەلدىكى ئىشلەپچىقىرىش مىقدارى تەرەپتە، 2015-يىلى سۇبارۇنىڭ چەتئەلدىكى زاۋۇتى جەمئى 228.8 مىڭ يۈرۈش يېڭى ماشىنا ئىشلەپچىقارغان، ئوخشاش مەزگىلدىكىدىن %18.5 ئاشقان، ئىشلەپچىقىرىش مىقدارى ئۇدا ئىككى يىل ئېشىش يۈزلىنىشىنى ساقلىغان.

سېتىش مىقدارى تەرەپتە، 2015-يىلى سۇبارۇ ياپونىيەدە جەمئىي 162.2 مىڭ يۈرۈش يېڭى ماشىنا ساتقان، ئوخشاش مەزگىلدىكىدىن %4.3 تۆۋەنلىگەن، سېتىش مىقدارى ئۇدا ئىككى يىل مەنفىي ئاشقان. ئېكىسپورت مىقدارى تەرەپتە، 2015-يىلى سۇبارۇ چەتئەل بازىرىغا ئېكىسپورت قىلغان يېڭى ماشىنا 566.8 مىڭ يۈرۈش بولۇپ، ئوخشاش مەزگىلدىكىدىن %4.7 ئاشقان، ئېكىسپورت مىقدارى ئۇدا تۆت يىل يېڭى رېكورت ياراتقان.