ئامېرىكا رادىئو شىركىتىنىڭ خەۋەر قىلىشىچە، لوس ئانژېلىس رايونىدا 15 ياشلىق ۋە 16 ياشلىق ئىككى ئوغۇل بالا جۇڭگولۇق كىچىك دادىسى تەرىپىدىن ئۆلتۈرۈلگەن. قاتىل لوس ئانژېلىستىن ئايروپىلانغا ئولتۇرۇپ بېيجىڭغا قاچقان.

خەۋەر قىلىنىشىچە، جۈمە كۈنى ئەتىگەندە ئوغۇل بالىلارنىڭ ئاتا-ئانىسى ئۆيىنىڭ ئوخشىمىغان قەۋىتىدە بالىلىرىنىڭ جەسىتىنى بايقىغان. ساقچى تەرەپنىڭ كۆرسىتىشىچە ئۆلگۈچىلەر گال قورال بىلەن ئۆلتۈرۈلگەن، ھەمدە بەزى ئىزنالار بىرسىنىڭ تۇرالغۇغا سۇقۇنۇپ كىرگەنلىكىنى كۆرسىتىپ بەرگەن.

     ساقچى تەرەپنىڭ دېيىشىچە، بۇنىڭدىن ئىلگىرى، بۇ بالىلارنىڭ ھاممىسى جۇڭگولۇق يولدىشى دىيۇن شى (ئاھاڭ تەرجىمىسى شى دېيۈن) نىڭ ئائىلە زورۋانلىقىغا ئۇچراپ دوختۇرخانىغا كىرىپ قالغان. ئۇنىڭدىن كېيىن ھاممىسى سوت مەھكىمىسىگە يولدىشىنىڭ ئۆزىگە يېقىنلىشىشىنى چەكلەش بۇيرۇقىنى چىقىرىشىنى ئىلتىماس قىلغان. ھەمدە ئاجرىشىشنى تەلەپ قىلىپ ئەرز سۇنغان. بالىلارنىڭ ئاتا-ئانىسى بالىلارنىڭ ھاممىسىنى يوقلاپ بارغان، ئۆيگە قايتىپ بارغاندىن كېيىن ھېچقانداق غەلىتە ئەھۋالنى بايقىمىغان، پەقەت ئىككىنچى كۈنى ئەتىگەندە ئاندىن ئوغۇللىرىنىڭ زىيانكەشلىككە ئۇچرىغانلىقىنى بىلگەن.

   ئىگەللىنشىىچە، بۇ بالىلارنىڭ قاتىلى شۇ يەر ۋاقتى جۈمە كۈنى ئەتىگەندە بىر نۆۋەتچى ئايروپىلانغا ئولتۇرۇپ بېيجىڭغا ماڭغان. يەنە بىر خەۋەردە دېيىلىشىچە بۇ نۆەتچى ئايروپىلان تايلاند ئاۋىئاتسىيە شىركىتىنىڭ ئىكەن.

فېدېراتسىيە تەكشۈرۈش ئىدارىسى قاتىل گۇماندارىنى جۇڭگو تاموژنىسىدا قولغا چۈشۈرۈش ئۈچۈن ئاللىقاچان جۇڭگو تەرەپتىن ياردەم تەلەپ قىلغان.