تۈركىيە زۇڭلىسى داۋۇتئوغلۇ (ئوتتۇرىدا) پايتەخت ئەنقەرەدە مۇخبىرلار يىغىنى ئۆتكۈزۈپ، ھەربىي ھەرىكەت ئەھۋالىنى بايان قىلدى.

تۈركىيە NTV تېلېۋىزىيە ئىستانسىسىنىڭ 22-فېۋرالدىكى خەۋىرىگە قارىغاندا، تۈركىيە چېگرا ھالقىغان ھەربىي ھەرىكەتنى قوللىنىپ، رادىكال تەشكىلات ‹‹شام ئىسلام دۆلىتى›› قوراللىقلىرى تەرىپىدىن قورشىۋېلىنغان بىر تۈركۈم تۈركىيە ئەسكەرلىرىنى ئوڭۇشلۇق ھالدا قۇتقۇزۇپ چىققان، لېكىن بەختكە قارشى بىر ئەسكەر ھەربىي ھەرىكەتتە قازا قىلغان. خەۋەردە ئېيتىلىشىچە، تەخمىنەن 40 نەپەر تۈركىيە ئەسكىرى سۇرىيەنىڭ شىمالىدىكى بىر پارچە يەرنى مۇھاپىزەت قىلىۋاتقاندا بۇ جاينى ‹‹شام ئىسلام دۆلىتى›› قوراللىقلىرى مۇھاسىرىگە ئالغان.