Reed Hastings) باشقا بىرلەشمە قۇرغۇچىلار بىلەن بىرلىكتە Netflixشىركىتىنى قۇرۇشتىن ئىلگىرى، سۈنئىي ئەقىل كەسپى جەھەتتە ئېنژىنېر ئىدى. بىراق، بۇرۇنقى كىچىك شىركەت Netflixبۈگۈنكى كۈندە ئابۇنتلارنىڭ تېلېۋىزور كۆرۈش شەكلىنى ئۆزگەرتكەن داڭلىق شىركەت بولۇپ قالدى.

         خاستىڭس 1988-يىلى ستانفورد ئۇنىۋېرسىتېتىدا ماگىستىرلىق ئۇنۋانىغا ئېرىشكەندىن بۇيان، سۈنئىي ئەقىل نىسبەتەن چوڭ تەرەققىياتقا ئېرىشتى. گەرچە شۇنداق بولسىمۇ، خاستىڭس يەنىلا بۇ ساھەدىكى تەرەققىياتقا قاتتىق كۆڭۈل بۆلمەكتە. 18-يانۋاردىكى ميۇنجىن DLD(رەقەم، تۇرمۇش، لايىھە) يىغىنىدا خاستىڭسنىڭ دېيىشىچە، تېسلانىڭ باش ئىجرائىيە ئەمەلدارى ئېلون ماسك قاتارلىق كۆپلىگەن كۆزەتكۈچىلەر بىلەن سېلىشتۇرغاندا، ئۇ سۈنئىي ئەقىل قوزغىغان «دۇنيا ئاپىتى» پات ئارىدا پەيدا قىلىدىغان تەھدىتدىن ئانچە ئەنسىرەپ كەتمەيدىكەن

    خاستىڭس بىلدۈرۈپ:«ماشىنىڭ ئەقلىي ئىقتىدارى ئىنتايىن قۇدرەتلىك بولغان چاغدا، بىر قىسىم كىشىلەر ئىنتايىن ئەندىشە قىلىدۇ. ئەمما بىلىش كېرەككى، بىز بۇنىڭدىن كېيىن بۇ ئىشلارنى بىر تەرەپ قىلالايمىز» دېدى. ئۇ يەنە تەكىتلەپ، كىشىلەر Netflixنىڭ تەۋسىيە ئىزدەش ماتورىغا ئوخشاش قوراللار ئارقىلىق ئەمدى ماشىنا ئەقىلنى ھېس قىلىشقا باشلىدى، دېدى. ئەمما ئۇ بۇ خىل تەسىرنىڭ بارغانسېرى چوڭىيىدىغانلىقىنى ھەمدە دۇنيادا پەقەت 5 يىلدىن 15 –يىلغىچە بولغان ۋاقىتتا ئۈچ «ئادەم»نىڭ سۆزلىشىش مەنزىرىسى بارلىققا كېلىدىغانلىقىنى، ئۇلارنىڭ ئىچىدە قايسى بىر «ئادەم»نىڭ ماشىنا ئىكەنلىكىنى جەزىملەشتۈرۈشكە ئامالسىز قالىدىغانلىقىمىزنى مۆلچەرلىدى.

گەرچە شۇنداق بولسىمۇ، خاستىڭس ئىنسانلار بۇ سەۋەبلىك ھەممىنى يوقىتىپ قويمايدۇ، دەپ قارىدى. ئۇنىڭ قارىشىچە، سۈنئىي ئەقىلنىڭ تېز سۈرئەتتە تەرەققىي قىلىشىغا ئەگىشىپ، ئىنسانلار گېن شىفىرىنىڭ ئىقتىدارىنى كۈچەيتىشىمۇ تېز سۈرئەتتە تەرەققىي قىلىدىكەن.

خاستىڭسنىڭ قارىشىغا ئاساسلانغاندا، ئىنسانلار ناھايىتى تېزلا گېنى ئۆزگەرتىلگەن بوۋاق مەسىلىسىدە ئەخلاق ۋە ئېتىكا تەڭچىلىكىگە دۇچ كېلىدىكەن، بۇ خىل ھادىسە بۈگۈنكى كۈندىكى سانلىق مەلۇمات ۋە شەخسىي سىرتنى چۆرىدىگەن تالاش-تارتىشنى ئەرزىمەس ئىشقا ئايلاندۇرۇپ قويىدىكەن.

ئىسانلار گېن شىفىرىنى ياخشىلىيالىسا، بۇ يۈزلىنىش ئىنسانلارنى تېخىمۇ ئەقىللىق ۋە ساغلام قىلىدۇ. بۇنىڭغا قارىتا، خاستىڭس يەنە بۇ ئېھتىمال ئىنسانلارنىڭ سۈنئىي ئەقىل ماشىنا ئادىمىنى مەغلۇپ قىلشىدىكى ئەڭ چوڭ ئۈمىدى بولۇپ قېلىشى مۇمكىن، دەپ قارىدى.

خاستىڭس بىلدۈرۈپ:«كەلگۈسىدىكى ئەقلىي ئىقتىدار كاربون ئاساسىدىكى ھاياتلىق تەنچىسى ۋە سىلىتسىي ئاساسىدىكى ھاياتلىق تەنچىسى ئارىسىدىكى رىقابەت جەھەتتە ئىپادىلىنىدۇ، بۇ ئىككى خىل ھاياتلىق تەنچىسى تېز سۈرئەتتە تەرەققىي قىلىدۇ، ئەمما نۆۋەتتە قايسى خىل ئەقلىي ئىقتىدارنىڭ 100 يىل ياكى 150 يىلدىن كېيىن باشلامچى ئورۇننى ئىگىلەيدىغانلىقى تېخى ئېنىق ئەمەس» دېدى.