ئېلىمىزدە ھازىر 70مىليوندىن ئارتۇق نامرات نوپۇس بار. ئۇنىڭ ئىچىدە 10 مىليوندىن ئارتۇق ئادەم كۆچۈرۈپ ئورۇنلاشتۇرۇش ئۇسۇلى بىلەن نامراتلىقتىن قۇتقۇزۇشقا ئېھتىياجلىق. ئەمما ئاز بىر قىسىم ئالاھىدە قېيىنچىلىقى بار ئائىلىلەر تۈرلۈك سەۋەبلەر تۈپەيلىدىن كۆچۈشنى خالىمايۋاتىدۇ. شى جىنپىڭ مۇنداق دەپ كۆرسەتتى: نامراتلارنى يۆلەش تەرەققىي قىلدۇرۇشتا ئادەمگە، جايغا قاراپ سىياسەتنى يولغا قويۇشتا چىڭ تۇرۇش، توغرا يۆلەش كېرەك. مۇخبىر يېقىندا خۇنەن ئۆلكىسىنىڭ ساڭجى ناھىيەسىگە بېرىپ، ساڭجى ناھىيەسىنىڭ ئالاھىدە قېيىنچىلىقى بار توپلارغا قارىتىلغان گرادىئېنتلىق كۆچۈرۈش «قوياش نۇرى ھويلىسى» يېڭى ئۇسۇلىنى زىيارەت قىلدى.

       ساڭجى ناھىيەسى ۋۇلىڭشەن تاغلىق رايونىدا بولۇپ، مەملىكەت بويىچە 14 مەركەزلىك تۇتاش كەتكەن ئالاھىدە نامرات رايونلارنىڭ بىرى، نامرات نوپۇس 119مىڭ، ئۇنىڭ ئىچىدە 36مىڭ كىشى چوڭقۇر تاغ جىلغىسىدا ۋە تاغلىق سوغۇق رايونلاردا تۇرىدۇ، نامراتلىقتىن قۇتۇلدۇرىمىز دەيدىكەنمىز، ئالدى بىلەن ئۇلارنى تاغدىن چۈشۈرۈشىمىز كېرەك. بۇ نامرات نوپۇسقا قارىتا، ھۆكۈمەت مەركەزلىك ئورۇنلاشتۇرۇش ئۇسۇلى بىلەن يەنە ھەر بىر ئائىلىگە 10مىڭ يۈەندىن 25 مىڭ يۈەنگىچە تولۇقلىما بېرىپ، ئۇلارنىڭ تاغدىن چۈشۈش، يېڭى ئۆي سېلىشىغا ياردەم بەردى. ئالاھىدە قېيىنچىلىقى بار بەزى ئائىلىلەرگە قارىتا، ساڭجى ناھىيەسى «قوياش نۇرى ھويلىسى» ئەندىزىسىنى ئوتتۇرىغا قويدى، ھەر بىر يۈرۈش ئۆينىڭ كۆلىمى 30كۇۋادىرات مېتىردىن 60 كۇۋادىرات مېتىرغىچە بولۇپ، مۈلۈك ھوقۇقى ھۆكۈمەتكە تەۋە، كىرىپ ئولتۇرسا ھەقسىز.

     «قوياش نۇرى ھويلىسى»نى سېلىشقا ناھايىتى ئەھمىيەت بېرىلدى. بىر تەرەپتىن كونا ئۆي بىلەن ئارلىقى بۇلۇش، ئەسلىدىكى ئېتىز-ئېرىقلارغىمۇ كۆڭۈل بۆلەشكە ئېتىبار بېرىلدى، يەنە بىر تەرەپتىن قاتناش بىر قەدەر قولايلىق بولۇپ، تېخىمۇ كۆپ ئىشقا ئورۇنلىشىش پۇرسىتى يارىتىپ بىرىلدى.

       2015-يىلنىڭ بېشىدا، سىناق تەرىقىسىدە شۈجياپىڭ «قوياش نۇرى ھويلىسى» سېلىندى. ھازىرغىچە 24 قوياش نۇرى ھويلىسى سېلىندى، 306 ئالاھىدە قېيىنچىلىقى بار ئائىلە بۇ يەردە ئولتۇراقلاشتى.

        نۆۋەتتە بۇ خىل ھەقسىز تۇرالايدىغان، تەكرار ئىشلىتەلەيدىغان قوياش نۇرى ھويلىسى ئەندىزىسى ساڭجى شەھىرىدە ئومۇملاشتۇرۇلدى، 2019-يىلغىچە 1600 يۈرۈش قوياش نۇرى ھويلىسى سېلىپ، پۈتۇن ناھىيەدىكى بارلىق يېزىلاردىكى ئالاھىدە قېيىنچىلىقى بار ئائىلىلەرنىڭ ھەممىسىنى بۇ يەرگە كۆچۈرۈپ كېلىپ، نامراتلىقتىن قۇتۇلدۇرۇش پىلانلاندى.