«ساغلام جۇڭگو سەپىرى __ پۈتۈن خەلق ئاستا خاراكتېرلىك كېسەللىكلەردىن ساقلىنىپ، ساغلاملىقنى ئىلگىرى سۈرۈش، نەپەسلىنىش مەخسۇس تۈر ھەرىكىتى»نى قوزغىتىش مۇراسىمى يېقىندا بېيجىڭدا ئۆتكۈزۈلدى.دۇنيا سەھىيە تەشكىلاتى ئاستا خاراكتېرلىك نەپەسلىنىش سىستېمىسى كېسەللىكى بىلەن يۈرەك-مېڭە قان تومۇر كېسەللىكى، دىئابىت كېسەللىكى ۋە راك كېسەللىكىنى دۇنيادىكى تۆت چوڭ ئاستا خاراكتېرلىك كېسەللىك، دەپ بېكىتتى. جۇڭگودىكى زىققا بىمارلىرى 30 مىليوندىن ئاشتى.

«جۇڭگو ئاھالىلىرىنىڭ ئوزۇقلۇق ۋە ئاستا خاراكتېرلىك كېسەللىك دوكلاتى (2015-يىللىق)» دا كۆرسىتىلىشىچە، 2012-يىلى ئاستا خاراكتېرلىك نەپەسلىنىش سىستېمىسى كېسەللىكى بىلەن ئۆلۈش نىسبىتى 100 مىڭدە 68 بولغان، يۈرەك-مېڭە قان تومۇر كېسەللىكى، راكتىن كېيىنكى جۇڭگو ئاھالىلىرىدىكى ئۈچىنچى ئاستا خاراكتېرلىك كېسەل بىلەن ئۆلۈش سەۋەبى بولۇپ قالغان؛ 40 ياشتىن يۇقىرى كىشىلەر توپى ئىچىدە ئاستا خاراكتېرلىك توسۇلۇش خاراكتېرلىك ئۆپكە كېسىلىگە گىرىپتار بولۇش نىسبىتى %9.9 بولغان.