ھازىر كىشىلەرنىڭ تورغا ۋە ئىجتىمائىي ئالاقە تورىغا بولغان يۆلىنىشى ناھايىتى ئېغىر بولۇپ، مەيلى قانداق ئىش بولسۇن تورغا يوللاپ كۆز-كۆز قىلىدۇ. كىيىم-كېچەك، يېمەك-ئىچمەك، ئېرى، ئايالى، بالىسى دېگەندەكلەرنى يوللاپ تۇرىدۇ. لېكىن بۇ يەردە سىلەرگە دېمەكچى بولغىنىم ناھايىتىمۇ ھەيران قالارلىق كۆز-كۆز قىلىشتىن ئىبارەت. كالفورنىيە شىتاتىدىن بولغان بىر 18 ياشلىق قىز ئالدىنقى ھەپتە ئاخىرى ساقچىلار تەرىپىدىن قولغا ئېلىنغان بولۇپ، ئۇ 21 ياشلىق يىگىتىنىڭ ئۆلۈمى بىلەن مۇناسىۋەتلىك، دەپ بېكىتىلگەن. كېيىن ساقچىلار ئۇنىڭ ھەقىقەتەن يىگىتىنى ئۆلتۈرگەنلىكىنى دەلىللەپ چىققان.

     بۇ قىز ئىشنىڭ جەريانىنى Facebook قا چىقارغان. ئەسلى مەزمۇنى مۇنداق ئىدى: مەن قولغا ئېلىنماستا سىلەرگە دەپ بېرەي، تۆنۈگۈن كەچ مېنىڭ بۇرۇنقى يىگىتىم ھاراق ئىچىپ يەنە مەن بىلەن ئۇرۇشتى، ئۇ مېنىڭ يۈزۈمگە ئۇردى. بىز ناھايىتى قاتتىق ئۇرۇشۇپ كەتتۇق، كېيىن مەن پىچاق بىلەن ئۇنى ئۆلتۈۋەتتىم. مەن ئۇنىڭ راستىنلا ئۆلۈپ قېلىشىنى ئويلاپمۇ باقماپتىمەن. مەن قېچىپ كېتىشىم كېرەك، ساقچىلار مېنى ئىزدەۋاتىدۇ. پەقەت تەڭرىلا مېنىڭ قەستەن قىلمىغانلىقىمنى بىلىدۇ. ئۇ ھەقىقەتەن مېنى بەك غەزەپلەندۈرۋەتتى، شۇڭا چىداپ تۇرالمىدىم. تەڭرىنى، مېنى كەچۈرگەيسەن!

     كېيىن بۇ قىز يازغانلىرىنى ئۆچۈرۋەتكەن، لېكىن ئۇنىڭ Facebook دا ئۆلگەن يىگىتى بىلەن بىللە چۈشكەن نۇرغۇن رەسىملىرى بار ئىدى.

ھازىر تەكشۈرۈش داۋام قىلىۋاتقان بولۇپ، ساقچى تەرەپ قىزنىڭ بۇ ئىشنى نېمىشقا توردا ئاشكارلىغانلىقىنى پەقەت چۈشەنمىگەن. بۇ بىر خىل پۇشايمان قىلىشمۇ ياكى ئالاھىدە بولغان كۆز-كۆز قىلىشمۇ؟ بۇ ھەقىقەتەن باشقىلارغا نامەلۇم.