ياشانغانلارنىڭ بېشى زۇكامداپ قىزىپ قالغاندا ئاغرىغاندىن باشقا، يېقىن ئورگانىزىملاردىكى كېسەللىك تەسىرىدىن ۋە چوڭ مېڭە كەلتۈرۈپ چىقارغاندىن باشقا سەۋەبلەر بىلەن تۇيۇقسىز قاتتىق ئاغرىسا، تۆۋەندىكىدەك كېسەللىكلەرنىڭ بار-يوقلۇقىنى ئويلىشىپ قويۇڭ:

       جىددىي خاراكتېرلىك يۇقىرى قان بېسىم كېسەللىكى. بۇ كېسەللىك جىددى خاراكتېرلىك قان بېسىمى، قان بېسىم بوھرانى ۋە يۇقىرى قان بېسىملىق مېڭە كېسەللىكلىرىنى ئۆز ئىچىگە ئالىدۇ. بۇ ئۈچ تۈرلۈك جىددى كېسەللىك ئالامىتى كۆرۈلگەندە باش قاتتىق ئاغرىيدۇ، دائىم ھوشسىزلىنىش، قۇلاق ئاڭلىماسلىق، كۆڭلى ئېلىشىپ قۇسۇش، يۈرەك سىقىلىش، كۆزى تورلىشىش، ھەتتا مۇسكۇللار كۈچسىزلىنىپ ئۇيۇشۇش، روھىي ھالىتى پەۋقۇلئاددە بولۇش قاتارلىق ئەھۋاللار يۈز بېرىدۇ.

     مېڭە ئۆسمىسى. ياشانغانلار مېڭە ئۆسمىسىگە گىرىپتار بولسا دەسلەپكى مەزگىلدە ئۆسمە تەن ھۈجەيرىسى كىچىك بولغاچقا، ئورۇن ئېففېكتى روشەن بولمىغاچقا، كۆپ ھاللاردا باش ئاغرىشنى كەلتۈرۈپ چىقارمايدۇ.

       مېڭە ئارتېرىيە ئۆسمىسى. ناۋادا بۇ ئۆسمە يېرىلىپ قان چىققاندا كېسەللىك ئەھۋالى جىددى ئېغىرلايدۇ، ئالدى بىلەن باش تۇيۇقسىز قاتتىق ئاغرىيدۇ، كۆڭلى ئېلىشىپ قۇسىدۇ، باش يېرىلغۇدەك قاتتىق ئاغرىيدۇ، ئارقىدىنلا ھوشسىزلىنىپ، تارتىشىپ قالىدۇ.