ھىندىستانلىق بىر 14 ياشلىق قىز بۇلتۇرنىڭ ئاخىرىدا يېڭى دېھلىنىڭ شەھەر ئەتراپىدا گۆرۆگە ئېلىۋېلىنغان ھەمدە نۆۋەت بىلەن باسقۇنچىلىق قىلىنغان، نۇرغۇن ئەر ئۇ قىزنى ئىككى ھەپتىگىچە جىنسىي قۇل قىلىۋالغان. قىز قۇتقۇزۇۋېلىنغاندىن كېيىن، 10-يانۋار تېلېۋىزىيە پىروگراممىسىدا ئۆزىنىڭ قورقۇنچلۇق سەرگۈزەشتىسىنى بايان قىلىپ، جەمئىيەتنىڭ كۈچلۈك ئىنكاسىنى قوزغىغان.

        يېڭى دېھلى تېلېۋىزىيە ئىستانسىسىنىڭ كۆرسەتكەن پىروگراممىسىدا، بۇ قىز ئۆزىنىڭ بۇلتۇر 11-ئاينىڭ 22-كۈنى يېڭى دېھلىنىڭ غەربىدىكى بىر بازاردا ئايلىنىپ كېتىۋاتقاندا سالاھىيىتى ئېنىق بولمىغان كىشىلەر تۇتقۇق قىلىۋېلىپ، بىر ‹‹قاراڭغۇ ئۆي››گە سولاپ قويغان. ئۇ يەردە ئۈچ ئەر ئۇنى ئىككى ھەپتىگىچە سولاپ قويۇپ، نەچچە قېتىم نۆۋەت بىلەن باسقۇنچىلىق قىلغان.

       ئۇ قىز مۇنداق دەيدۇ: ‹‹ئىككى ھەپتە توختىماي مېنى خورلىغاندىن كېيىن، ئۇلار مېنى قويۇۋەتمەكچى بولۇپ، بىر ماشىنىغا ئېلىپ چىقتى، بىر دۇكاندىن ھاراق سېتىۋېلىپ، ئاندىن ماشىنىنى بىر قۇدۇق ئاغزىغا توختاتتى. ئۇلار مېنى قويۇۋېتىدىغانلىقىنى ئېيتتى، ئەمما كەينىگە بىر نەچچە قەدەم يېنىپ، ماڭا قارىتىپ ئوق چىقاردى، 1-پاي ئوق مېنىڭ ئۇستىخىنىمغا تەگدى، مەن ھېچنېمىنى ھېس قىلالمايلا قالدىم، پۈتۈن    ئەزايى بەدىنىم ئۇيۇشۇپلا كەتتى. 2-پاي ئوقتىن كېيىن مەن ئايلىنىپ چۈشۈپتىمەن.››

     ھوشىغا كەلگەنگەندىن كېيىن بۇ قىز ئۆزىنىڭ قۇدۇقتا ئىكەنلىكىنى بايقايدۇ، پۈۈن بەدىنى ھۆل بولۇپ، توختىماستىن تىترەيدۇ.

بەختكە يارىشا، بۇ قىز ھوشىغا كېلىپ، قۇتقۇزۇشنى تەلەپ قىلىپ، ۋارقىراشقا باشلايدۇ.

  ئۇ مۇنداق دەيدۇ: ‹‹مەن ھوشۇمغا كەلگەندىن كېيىن كۆكرىكىمگە ئوق تەگكەنلىكىنى كۆردۈم-دە، ۋاقىرىدىم.››

  12-ئاينىڭ 6-كۈنى، ئاتراپتىكى كەنتتىكى كىشىلەر ‹‹قۇتقۇزۇڭلار›› دېگەن ئاۋازنى ئاڭلاپ، ئۇ قىزنى قۇدۇقتىن قۇتقۇزۇپ، دوختۇرخانىغا ئېلىپ بارىدۇ. شۇ جايدىكى تاراتقۇلارنىڭ خەۋەر قىلىشىچە، ساقچى تەرەپ بىر نەچچە گۇماندارنى قولغا ئالغان.

  ئۇ قىز مۇنداق دەيدۇ: ‹‹مەن ئۇ باسقۇنچىلارنى چايناپ پۈركۈۋەتسەم دەيمەن، ھېچكىممۇ مەندەك قىسمەتكە قېلىشنى خالىمىسا كېرەك.››

  2015-يىلى 10-ئاينىڭ 17-كۈنى، ھىندىستاننىڭ يېڭى دېھلىدا بىر موماي نەۋرىسىنىڭ باسقۇنچىلىققا ئۇچرىغانلىقىغا ئازابلانماقتا.

  2015-يىلى 10-ئاينىڭ 13-كۈنى، ھىندىستاننىڭ يېڭى دېھلىدا بىر نەچچە قىز تۆمۈريول بويىدا ماڭماقتا.

  2012-يىلى 12-ئايدا، تېببىي ئىنىستىتۇتنىڭ بىر 23 ياشلىق قىز ئوقۇغۇچىسىغا ھىندىستاننىڭ يېڭى دېھلىدا بىر ئاممىۋى ئاپتوبۇستا ئالتە نەپەر ئەر باسقۇنچىلىق قىلغان، يارىسى ئېغىر بولغانلىقتىن قىز ئۆلۈپ كەتكەن. بۇ ۋەقە ھىندىستاندا مەملىكەتلىك خاراكتېرلىك نامايىشقا سەۋەب بولغان.