يېقىندا بىر قىسىم تورداشلار شېنجېن قاتناش ساقچى ئەترىتىگە بىر دانە ئاپتوموبىلنىڭ سۈرىتىنى ئەۋەتىپ، "بۇ نېمە ماركىلىق ئاپتوموبىل؟" دەپ سورىدى، قاتناش ساقچىلىرى ئۇنىڭغا تەكشۈرۈپ بېقىش توغرىسىدا جاۋاب قايتۇردى، قاتناش ساقچىلىرىمۇ بىلمەيدىغان قانداق ئاپتوموبىلدۇ ؟

    قاراڭ، قاتناش ساقچىسىمۇ بىلمەيدىغان بۇ ئاپتوموبىل - سېتىلىش باھاسى ئۈچ مىليون يۈەنلىك دەرىجىدىن تاشقىرى ھەشەمەتلىك ئاپتوموبىل بولۇپ، كىشىنى ھېيىقتۇراتتى. بۇ دەل كەمدىن كەم ئۇچرايدىغان دەرىجىدىن تاشقىرى ھەشەمەتلىك ئاپتوموبىل جورجى بادۇن دالا ئاپتوموبىلى. جورجى بادۇن دالا ئاپتوموبىلى ئامېرىكىدا ئىشلەنگەن ئوق ئۆتمەس ئاپتوموبىل بولۇپ، 2-دۇنيا ئۇرۇشىدىكى ئامېرىكىلىق قوماندان جورجى بادۇننىڭ نامى بىلەن ئاتالغان. بۇ ئاپتوموبىلنىڭ يوغان گەۋدىسى كىشىنى ئۆزىگە تارتىدۇ، 4080 كىلوگىراملىق دەرىجىدىن تاشقىرى گەۋدە ئېغىرلىقى، 2370 مىللىمېتىرلىق ئېگىزلىكى ئالدىدا ھۇممېر ئاپتوموبىلىمۇ بويۇن قىسىپ قالىدۇ، بۇ ئاپتوموبىلغا سەپلەنگەن 6.8 لىتېرلىق چىقىرىشچانلىقتىكى V10 ماتورىغا گەپ كەتمەيدۇ، ئەلۋەتتە.

   سۈرلۈك تاشقى كۆرۈنۈشى بىلەن روشەن پەرقلىنىدىغىنى ئۇنىڭ دەرىجىدىن تاشقىرى ھەشەمەتلىك ئىچكى بېزىلىشىدۇر. بۇ ئاپتوموبىلنىڭ ئىچىگە چوڭ كۆلەمدە خۇرۇم ئىشلىتىلگەن، قول بىلەن كەشتىلەنگەن ھەقىقىي خۇرۇم ئورۇندۇق سەپلەنگەن بولۇپ، ئارقى رەت ئورۇندۇقى ئايروپىلاننىڭ ئالىي دەرىجىلىك بۆلمىچىسىگە ئوخشىشىپ كېتىدۇ، بۇ ئاپتوموبىلغا يول باشلاش سىستېمىسى، 32 ديۇملۇق سۈنئىي ھەمراھ تېلىۋىزورى سەپلەنگەن.

   بۇندىن باشقا، بۇ ئاپتوموبىلغا يەنە بىئوخىمىيە زەھەرلىك گازىدىن مۇداپىيىلىنىش سىستېمىسى، ئوكسىگېن بىلەن تەمىنلەش ئەسۋابى قاتارلىق بىخەتەرلىك ئەسلىھەلىرى سەپلەنگەن. يوغان گەۋدىلىك ئاپتوموبىللار نۇرغۇن بولسىمۇ، ئەمما ھەشەمەتلىك ئىچكى بېزىلىشىگە ئىگە ئاپتوموبىل كۆپ ئەمەس. بىرلا ۋاقىتتا ھەم يوغان گەۋدە ھەم ھەشەمەتلىك ئىچكى بېزىلىشكە ئىگە بولغان ئاپتوموبىل بولسا بارماق بىلەن سانىۋالغۇچىلىكلا بار بەلكىم.