7-نۆۋەتلىك مەملىكەتلىك ئ‍ازسانلىق مىللەتلەرنىڭ ئ‍ۇيغۇرچە، قازاقچە، قىرغىزچە تىللاردا ئ‍ېلىپ بېرىلغان نادىر رادىئ‍و-تېلېۋىزىيە پىروگىراممىلىرىنى باھالاش بويىچە دېكتور-رىياسەتچىلىك تۈرىدە، شىنجاڭ تېلېۋىزىيە ئ‍ىستانسىسى ئ‍ۇيغۇرچە ئ‍اخبارات ئ‍ۇنۋىرسال قانىلى بايقاش پىروگىراممىسىنىڭ دىكتور رىياسەتچىسى دىلنۇر بەكرى 2-دەرىجىلىك مۇكاپاتقا ئ‍ېرىشتى، بىز رىياسەتچى دىلنۇر بەكرىنىىڭ بۇ نەتىجىسىدىن پەخىرلىنىش، ئ‍ىپتىخارلىنىش بىلەن بىللە يەنە داۋاملىق تىرىشىپ تېخىمۇ زور نەتىجىلەرنى قولغا كەلتۈرۈشىگە تىلەكداشمىز، ئ‍اخىرىدا دىلنۇر بەكرىنىڭ تېنىنىڭ سالامەت، ئ‍ائ‍ىلىسىنىڭ بەخىتلىك بولىشىنى ئ‍ۈمىد قىلىمىز.

ئىسىم-فامىلىسى: دىلنۇر بەكرى

يۇرتى: قۇمۇل شەھىرى

ئېگىزلىكى: 168 سانتىمېتىر

ئوقۇش تارىخى: تولۇق كۇرۇس

ئوقۇغان كەسپى: رادىئو-تېلېۋىزىيە رېژىسسورلۇقى

ئوقۇش پۈتتۈرگەن مەكتەپ: شىنجاڭ سەنئەت ئىنىستىتۇتى

ياخشى كۆرىدىغان رەڭ: قىزىل، قارا

خارەكتېرى: ئوچۇق-يورۇق، يۇمۇرستىك

ئەڭ ياخشى كۆرىدىغان تاماق: پولۇ

ئەڭ ياخشى كۆرىدىغان پەسىل: ياز

ئەڭ ھۆرمەتلەيدىغان كىشى: دادىسى بىلەن ئاپىسى

قىزىقىشى: ساياھەت قىلىش

ھايات يىغىندىسى: قانائەتجان كىشى ھەرۋاقىت خۇشال-خۇرام ياشايدۇ.

دىلنۇر بەكرى ئىلگىرى قۇمۇل ۋېلايەتلىك رادىئو-تېلېۋىزىيە ئىدارىسىنىڭ داڭلىق دىكتور رىياسەتچىسى بولۇپ، ئۇزۇن يىللاردىن بىرى قۇمۇل ۋىلايەتلىك تەشۋىقات بۆلۈمى، قۇمۇل ۋىلايەتلىك ئەدەبىيات-سەنئەت بىرلەشمىسى، قۇمۇل ۋىلايەتلىك، شەھەرلىك رادىئو-تېلېۋىزىيە ئىدارىسى قاتارلىق ئورۇنلار بىرلىكتە ئورۇنلاشتۇرغان «روزى ھېيتلىق»، «قۇربان ھېيتلىق»، «1-ماي ئەمگەكچىلەر بايرىمى»، «ئۆكتەبىر بايرىمى»، «چاغانلىق سەنئەت كېچىلىكى قاتارلىق چوڭ-كىچىك پائالىيەتلەرگە رىياسەتچىلىك قىلىپ كەلگەن، ئۇ بۇ جەرياندا تىرىشىپ ئىشلەپ خىزمەتتە نۇرغۇنلىغان نەتىجىلەرنى قولغا كەلتۈرۈپ، قۇمۇلدىكى ھەرمىللەر خەلقنىڭ بىردەك ياقتۇرىشىغا ئېرىشتى. 1998-يىلى ئاپتونۇم رايون بويىچە ئۆتكۈزۈلگەن نادىر رادىئو تېلېۋىزىيە پروەراممىلىىنى باھالاشتا دېكتور-رىياسەتچىلىكتىن 2-دەرىجىگە، 2002-يىلى مەملىكەت بويىچە 4-نۆۋەتلىك ئۇيغۇرچە، قازاقچە، قىرغىزچە نادىر رادىئو تېلېۋىزىيە پروگراممىلىىنى باھالاشتا 3-دەرىجىلىك مۇكاپاتقا، 2003-يىلى ئاپتونۇم رايون بويىچە ئۆتكۈزۈلگەن نادىر رادىئو تېلېۋىزىيە پروەراممىلىىنى باھالاشتا دېكتور-رىياسەتچىلىكتىن 2-دەرىجىگە،2004-يىلى مەملىكەت بويىچە 6-نۆۋەتلىك ئۇيغۇرچە، قازاقچە، قىرغىزچە نادىر رادىئو تېلېۋىزىيە پروگراممىلىىنى باھالاشتا 1-دەرىجىلىك مۇكاپاتقا ئېرىشكەن.

2005-يىلى 7-ئايدا ئۇنىڭ ئەسىرى مەملىكەتلىك نادىر تېلېۋىزىيە پروگراممىلىرىنى باھالاشتا 3-دەرىجىلىك مۇكاپاتقا ئېرىشكەن، شۇ يىلى يەنە 2005-يىلى شىنجاڭ ئۇيغۇر ئاپتونۇم رايونىنىڭ 50 يىللىقىنى تەبرىكلەش چوڭ تىپتىكى سەنئەت كېچىلىكىگە رىياسەتچىلىك قىلغان ھەم شۇ يىلى 7-ئايدا شىنجاڭ تېلېۋىزىيە ئىستانسىسى بىلەن قۇمۇل ۋىلايەتلىك تەشۋىقات بۆلۈمى بىرلىكتە ئۆتكۈزگەن «مەشرەپ» پىروگراممىسىغا رىياسەتچىلىك قىلدى.

2007-يىلى گەنسۇغا بېرىپ مەركىزىي تېلېۋىيە ئىستانسىسى بىلەن گەنسۇ تېلېۋىيە ئىستانسىسى بىرلىشىپ ئۆتكۈزگەن ساياھەت مەدەنىيەت ئالماشتۇرۇش سەنئەت كېچىلىكىگە نەق مەيداندا رىياسەتچىلىك قىلىپ ھەر ساھەدىكىلەرنىڭ قىزغىن قارشى ئېلىشىغا ئېرىشتى.

2007-يىلى 11-ئايدا گۇاڭدۇڭ تېلېۋىيە ئىستانسىسىدا ئۈچ ئايلىق بىلىم ئاشۇرۇش شەرىپىگە ئېرىشتى.

2009-يىلى 9-ئايدا خىزمەت ئېھتىياجى بىلەن شىنجاڭ تېلېۋىزىيە ئىستانسىسى ئاخبارات ئۇنۋېرسال قانىلىغا يۆتكىلىپ كەلگەندىن كېيىن ئۈزلۈكسىز تىرىشىپ ، كەسپىي جەھەتتىن ئۆزىگە قاتتىق تەلەپ قويۇپ، ھېرىش-چارچاشتىن قورۇقماي، يىراق يېزا-قىشلاقلارغا بېرىپ ئەمەلىيەتكە دېھقان-چارۋۇچىلار ئارىسىغا ، تۇرمۇشقا چوڭقۇر چۆكۈپ تىرىشىپ ئىشلىدى، ئۇ بۇ جەرياندا شۇنى ھېس قىلدىكى جاپا تارتىشتىن قورۇقماي ئەجىر سىڭدۈرگەندىلا نادىر ئاخبارات ئەسەرلىرىنى ھۇجدقا كەلتۈرگىلى بولىدىغانلىقىنى چوڭقۇر تونۇپ يەتتى، ئۇ ئىلگىرى-كېيىن بولۇپ 2-قانال ئاخبارات ئۇنۋېرسال قانىلىنىڭ(مۇنبەت تۇپراق) (بايقاش) پىروگراممىلىرىنىڭ دېكتور-رىياسەتچىلىك ۋەزىپىلىرىنى ئۆتەپ كەلدى. ھازىر ئۇ شىنجاڭ تېلېۋىزىيە ئىستانسىسى ئۇيغۇرچە ئاخبارات ئۇنىۋېرسال قانىلى «بايقاش» پروگراممىسىنىڭ دېكتور-رىياسەتچىلىك، ئاپتورلۇق ھەم مۇخبىرلىق ۋەزىپىلىرىنى جان پىدالىق بىلەن ياخشى ئىشلەپ كەلمەكتە.

دىلنۇر بەكرى بۇ جەرياندا، يەنە ئۈزلۈكسىز تىرىشىش ئارقىلىق، 2010-يىلى شىنجاڭ تېلېۋىزىيە ئىستانسىسى بىلەن قۇمۇل ۋىلايەتلىك تەشۋىقات بۆلۈمى بىرلىكتە ئۇيۇشتۇرغان چوڭ تىپتىكى نۇرۇش بايرىمىلىق سەنئەت كېچىلىكى، 2011-يىلى ئاپتونۇم رايونلۇق ئىتتىپاق كومېتىتى بىلەن شىنجاڭ تېلېۋىزىيە ئىستانسىسى بىرلىكتە ئۇيۇشتۇغان ياش-ئۆسمۈرلەرنىڭ نۇتۇق سۆزلەش مۇسابىقىسى، 2012-يىلى شىنجاڭ تېلېۋىزىيە ئىستانسىسى بىلەن ئاقسۇ ۋىلايەتلىك تەشۋىقات بۆلۈمى ئۇيۇشتۇرغان روزى ھېيتلىق سەنئەت كېچىلىكى قاتارلىق چوڭ تىپتىكى سەنئەت كېچىلىكلىرىگە رىياسەتچىلىك قىلىپ خەلقىمىزنىڭ ياخشى باھالىرىغا ئېرىشىپ كەلمەكتە.