ۋاڭيى تورى خەۋىرى لەگلەك تورى تەرجىمىسى

خەۋەردە دېيىلىشىچە، بۇ ترېنېر ھاۋا بوشلۇقىدا يەنە بىر پاراشۇتچىنىڭ پۇت قىسمىغا سوقۇلۇپ كېتىپ، ئېغىر يارىلانغانلىقتىن پاراشۇتنى ئاچالمىغان.(ماتېرىيال رەسىمى)

جۇڭگو ئاخبارات تورى 3- ئاينىڭ 31- كۈنىدىكى تېلېگراممىسى، چەتئەل تاراتقۇلىرىنىڭ خەۋىرىگە ئاساسلانغاندا، شۇ يەر ۋاقتى 30- مارت ئامېرىكا سانتىياگو شىتاتىدا پاراشۇت ۋەقەسى يۈز بەرگەن بولۇپ، بىر پاراشۇت ترېنېرى ھاۋا بوشلۇقىدا يەنە بىر پاراشۇتچىغا سوقۇلۇپ كەتكەندىن كېيىن قازا قىلغان.
پاراشۇت ترېنېرى قاراشلىق شىركەت مەسئۇلىنىڭ دېيىشىچە، ئۆلگۈچى بىر تەجرىبىلىك پاراشۇت ترېنېرى بولۇپ، شۇ كۈنى بىر تۈركۈم كۇرسانتلارنىڭ پاراشۇت بىلەن سەكرەش مەشىقىگە يېتەكچىلىك قىلغان ئىكەن.

خەۋەردە دېيىلىشىچە، ترېنېر ھاۋا بوشلۇقىدا يەنە بىر پاراشۇتچىنىڭ پۇت قىسمىغا سوقۇلۇپ، ئېغىر يارىلانغاچقا پاراشۇتنى ئاچالمىغان. خەۋەردە يەنە سوقۇلۇش ۋەقەسىدىكى يەنە بىر پاراشۇتچى يارىلانمىغانلىقى، بىخەتەر يەرگە چۈشكەنلىكى دېيىلگەن.

مەسئۇل خادىمنىڭ دېيىشىچە، بۇ ترېنېر 1000 قېتىمدىن ئارتۇق پاراشۇت بىلەن سەكرەشكە قاتناشقان ئىكەن، ھەمدە دائىم جىددىي ئەھۋالدا پاراشۇتنى ئاپتوماتىك ئاچىدىغان ئۈسكۈنە ئېلىۋالىدىكەن، ئەمما بۇ ئۈسكۈنە بۇ ۋەقەدىن ئىلگىرى رېمونت قىلىنغان ئىكەن.
بۇ ترېنېرنىڭ ئىسمى ۋە ئۆلۈش سەۋەبى ئېلان قىلىنمىغان.

مەنبەسى جۇڭگو ئاخبارات تورى

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK