«ھىندىستان ۋاقىت گېزىتى» بۇلتۇر 30-دېكابىر ئېلان قىلغان«پاكىستان ئۈچ خىل ئارمىيە ئاخبارات ئىدارىسى ئىجتىمائىي ئالاقە تورىدا ساھىپجامال ھىيلىسى ئىشلىتىپ، ھىندىستان ھاۋا ئارمىيە ئەسكىرىدىن مەخپىيەتلىككە ئېرىشتى»دېگەن ماقالىدە مۇنداق دېيىلگەن: ئۈچ يىلنىڭ ئالدىدا ھىندىستان ھاۋا ئارمىيەسىنىڭ ئەسكىرى رانجىت ئەنگىلىيەلىك بىر ئايال تورداشنىڭ ئىجدىمائىي ئالاقە تورىدا دوستلىشىش ئىلتىماسىنى قوبۇل قىلغان. كېيىن ئۇلارنىڭ دوسلۇقى كۈچىيىپ ، مۇناسىۋىتى تېخىمۇ يېققىنلاشقان. شۇنىڭ بىلەن ھىندىستان ھاۋا ئارمىيەسىنىڭ ئەسكىرى ئۆزىنى دۇنيادىكى ئەڭ بەخىتلىك ياش دەپ ئويلىغان. رانجىت ئەسلىدىنلا تورغا خۇمار بولۇپ، ئۇ ئەنگىلىيەلىك ئايال بىلەن تونۇشقاندىن كېيىن توردىن تېخىمۇ ئايرىلالماس بولۇپ قالغان. ئۇ ئايالنىڭ توربېتىگە قالدۇرغان ئۇچۇرىدا، تۇرۇشلۇق ئورنۇم ئەنگىلىيە لىدىس شەھىرى، شۇ جايدىكى تەھرىراتتا ئاز-تولا ئەمىلىم بار دېيىلگەن. رانجىت ھىندىستان ھاۋا ئارمىيەسىنىڭ ئىككىنجى دەرىجىلىك ئەسكىرى بولۇپ، ئايروپىلان ئاسراش خىزمىتىگە مەسئۇل ئىكەن. بۇ ئايال توردا پاراڭلاشقاچ رانجۇتنى ئازدۇرۇپ، ئۇنىڭغا ھىندىستان ھاۋا ئارمىيەسىگە ئائىت ئۇچۇرلارنى تەمىنلەپ بېرىشنى ئۆزىنىڭ ئاخبارات ژۇرنىلىغا ماتىرىيال توپلىماقچى بولغانلىقىنى ئېيتقان ، ئۇيەنە تەھرىرات نامىدا رانجىتنى زىيارەتمۇ قىلغان. ئەس – ھوشۇنىي يوقاتقان رانجىت بۇ ئىشنىڭ ئاقىۋىتىنىڭ ئېغىرلىقىنى ھېس قىلىپ يەتمىگەن ھەم ئۇنىڭدىن ھەق ئېلىپ بىرئاز پۇل تېپىۋالدىغان بولدۇم دەپ ئويلىغان.ئايال بىر كۈنى رانجىتتىن گۋايورغا جايلاشقان ھەربىي ئەسلىھەلەرگە ئائىت ئىشلارنى سورىغان. رانجىت بۇ ھەبىي ئەسلىھەلەرنىڭ ئىنتايىن مۇھىملىقىنى بىلگەچكە رەت قىلغان. شۇنىڭدىن كېيىن ئايال ئەسلى قىياپىتىنى ئاشكارلىغان ھەمدە پاراڭلىشىش خاتىرىسى بىلەن بۇرۇن تەمىنلىگەن ئاخباراتلارنى پەش قىلىپ ئۇنىڭغا قوقاق سالغان.

رانجىت پاكىستان ئۈچ خىل ئارمىيە ئاخبارات ئىدارىسى جاسوسىنىڭ ساھىبجامال ھىيلىسىگە ئالدانغانلىقىنى بىلگىنىدە بەكلا كېچىككەن. بۇ ئىشلارنىڭ ئاشكارلىنىپ قېلىشىدىن ئەنسىرىگەن رانجىت ھىندىستان ئارمىيەسىنىڭ مۇھىم ئىچكى ماتىرىيالىنى ئۇ ئايال كىشىگە ئاپىرىپ بەرگەن. شۇنىڭدىن كېيىن پاكىستان ئۈچ خىل ئارمىيە ئاخبارات ئىدارىسىدىكىلەر ئۇنىڭغا سايىدەك ئەگىشىپ، ھەرخىل ئاخباراتلارغا ئېرىشىپ تۇرغان.

    رانجىت ھاۋا ئارمىيەسىنىڭ مانېۋىر ئۇچۇرى، ئايروپىلانىنىڭ يۆتكىلىش ئەھۋالى ۋە ھاۋا ئارمىيەسىنىڭ جايلىشىشغا ئالاقىدار ئاخباراتنى ئاشكارلىغان. ھىندىستان ھەربىي ئاخبارات ئىدارىسى ۋە دېھلى ساقچىلىرى 28-دېكابىر رانجىتنى قولغا ئالغان ، ھىندىستان ھاۋا ئارمىيەسىمۇ ئۇنى ئىشتىن بوشاتقان. ساقچى تەرەپنىڭ مەسئۇلى تونۇشتۇرۇپ، ھەربىي ئاخبارات ئىدارىسى رانجىتنىڭ ئالاقە ئۇچۇرىنى قولغا كەلتۈرگەنلىكى ھەمدە ئۇنى نەچچە ئاي نازارەت قىلغانلىقىنى ئاشكارلىغان. رانجىت نەچچە كۈننىڭ ئالدىدا سوراق قىلنغان.

   «ھىندىستان ۋاقىت گېزىتى» تورىنىڭ بۇلتۇر 30-دېكابىردىكى «پاكىستان ئۈچ خىل ئارمىيە ئاخبارات ئىدارىسىگە ھىندىستان ھاۋا ئارمىيەسىنىڭ مەخپىيەتلىكىنى ئاشكارلىغۇچى قولغا ئېلىندى» سەلەۋھىلىك ماقالىسىدە بىر ئاي ئىچىدە ھىندىستان سۆلەت مۇداپىئە سىېستىمىسىدىن ئىككى پاكىستان جاسوسى پاش قىلىندى، قولغا ئېلىنغان جاسوس ئاشكارلىغان ئاخباراتلار ئىنتايىن مەخپىي ئىدى. بۇ پاكىستاننىڭ ئاخبارات ئىگىلەش ئۈچۈن ھەرقانداق ۋاستە قوللىنىشتىن يانمايدىغانلىقىنى چۈشەندۈرۈپ بەردى، دېيىلگەن.

ھىندىستان ھەربىي قوماندانى: گۋاليورنىڭ بىر تەرىپىگ جايلاشقان ھەربىي ئەسلىھەلەر ھىندىستان ھاۋا ئارمىيەسىگە نىسپەتەن ناھايىتى مۇھىم ، ئۇ قوشنا دۆلەتلەر بىلەن بولغان ھەرقانداق ئۇرۇشتا ئىستراتېگىيەلىك رول ئوينايدۇ، دېگەن.