جاھان ئاگېنتلىقى 14-ماي خەۋىرى؛ لەگلەك تورى تەرجىمىسى: ئامېرىكا پرېزىدېنتى باراك ئوباما جامپ داۋىدتىكى يىغىن ئۈچۈن ئامېرىكا پايتەختى ۋاشىنگتونغا كەلگەن قولتۇق ھەمكارلىق تەشكىلاتى ئەللىرى ۋەكىللىرى بىلەن ئۇچراشتى. ئاقسارايدا ئوبامانىڭ ساھىبخانلىقىدىكى ئۇچرىشىشقا، قولتۇق ھەمكارلىق تەشكىلاتى باش كاتىبى ئابدۇللەتىف ئىبنى راشىد زايانى، بەھرەيىن ۋەلىئەھدى شاھزادە سەلمان ئىبنى ھاماد ئەل-خەلىفە، ئەرەب بىرلەشمە خەلىپىلىكى ۋەلىئەھدى شاھزادە ۋە مۇئاۋىن باش شىتاب باشلىقى شەيىخ مۇھەممەد ئىبنى زايىد ئەل ناھيان، سەئۇدى ئەرەبىستان ۋەلىئەھدى شاھزادە مۇھەممەد ئىبنى نايىف ئىبنى ئابدۇلئەزىز ئەل سەئۇد، قاتار ئەمىرى شەيىخ تەمىم ئىبنى ھاماد ئەل سانى، ئوممان پادىشاھلىقى كابېنت مەسئۇلى ۋە مۇئاۋىن باش مىنىستىر فەھد ئىبنى مۇھەممەد ئەل سەئىد، كۇۋەيت ئەمىرى شەيىخ ساباھ ئەھمەد جابىر ئەل-ساباھ قاتارلىقلار قاتناشتى.
ئوباما يىغىلىشنىڭ ئىككىنجى كۈنىدە قولتۇق ھەمكارلىق تەشكىلاتى دۆلەتلىرىنىڭ ۋەكىللىرى بىلەن جامپ داۋىدتا يىغىن ئۆتكۈزىدۇ، يىغىندىن كېيىن ئاخبارات ئېلان قىلىش يغىنى ئۆتكۈزىلىدۇ.