60 ياشلىق «پۇرچاق ئەپەندى» روۋان ئاتكىنسون گەرچە ئايالى سۇنېترا بىلەن ئاجرىشىپ ناھايىتى تېزلا ئۆزىدىن 30 ياش كىچىك ئايال چولپان لوسى فورد بىلەن چىقىشىۋالغان بولسىمۇ لېكىن يەنىلا بۇرۇنقى ئايالىدىن بولغان قىزى لىلىغا ناھايىتى كۆيىنىدۇ، ئۇ يېقىندا مىليون فوندستېرلىڭ خەجلەپ قىزىنىڭ مۇزىكا چۈشىنى ئىشقا ئاشۇرۇپ بەرمەكچى بولۇۋاتىدۇ.پۇرچاق ئەپەندى ئادەتتە ماشىنا سېتىۋېلىشقا ئەزەلدىن پۇل ئاياپ ئولتۇرمايدۇ، ئەمدى بولسا ئۇ قىزىنى بىر مۇزىكانت قىلىپ يېتىشتۈرۈش ئۈچۈن پۇلنىڭ كۆزىگە قارىمىدى. باشتا ئۇ نۇرغۇن پۇل خەجلەپ قىزىنىڭ MV ئىشلىشى ۋە تەشۋىقات ئېلىپ بېرىشىغا ياردەم بەردى، ئاندىن يەنە پۇل خەجلەپ قىزىنى ئۇسسۇل دەرسىگە ئەۋەتتى.

     ئەمەلىيەتتە 20 ياشلىق لىلىمۇ ناھايىتى تىرىشچان، ئۇ ئاللىقاچان بىر ئىجادىي ناخشىچى بولۇپ بولغان. لىلى لوندوندا دائىم چوڭ مۇزىكا زاللىرىدا ئويۇن قويىدۇ. لىلى كىچىكىدىن ناخشىچى بولۇشنى ئارزۇ قىلغان بولۇپ، ئۇ بىر گىگانت چولپان بولۇشقا بارغانسىرى يېقىنلاشماقتا.