بەيدۇ تورى خەۋىرى لەگلەك تورى تەرجىمىسى .سۈرىيىنىڭ زۇڭتۇڭ سايلىمىغا يەنە يېرىم ئايدىن كېيىن بېلەت تاشلاش باشلىنىدۇ ،لېكىن سۈرىيە ھۆكۈمەت ئارمىيىسى بىلەن ئۆكتىچىلەر ئوتتۇرسىدىكى توقۇنۇش يەنىلا كەسكىن بولماقتا .

سۈرىيە ھۆكۈمەت ئارمىيىسىنىڭ بىر لاگېرى 14-ماي ئۆكتىچىلەر تەرىپىدىن ۋەيران قىلىۋېتىلدى .15-ماي بىر چېگىرىدىن ئۆتۈش ئورنى ئاپتوموبىلنىڭ ھۇجۇمىغا ئۇچرىدى ،ئۆكتىچىلەر سايلام ئۆتكۈزۈشتىن بۇرۇن ھۆكۈمەت ئارمىيىسى كونتروللىقىدىكى رايونلار غا داۋاملىق ھۇجۇم قىلىشنى كۈچەيتمەكچى .

يېقىنقى كۈنلەردە تارتىلغان بىر سىن كۆرۈنۈشىدە كۆرسىتىشىچە ،سىن كۆرۈنىشى ئىچىدىكى پارتلىغان جاي سۈرىيە ھۆكۈمەت ئارمىيىسىنىڭ غەربىي شىمالىي قىسمىدىكى ئېدرىك ئۆلكىسىدىكى بىر لاگېرى ئىكەن .سۈرىيە ئۆكتىچىلىرى بۇ لاگېرىنى پارتىلىتىش ئۈچۈن يەتتە ئايدا نەچچە يۈز كىلومېتىرلىق لەخمە كولاپ ،60توننىدىن ئارتۇق پارتلاتقۇچ دورىنى كۆمگەن .ھازىرغىچە يارىلانغان ياكى قازا قىلغانلار توغرىسىدا خەۋەر يوق .سۈرىيە ھۆكۈمەت ئارمىيىسى بۇنىڭغا ئىنكاس قايتۇرمىدى ،سۈرىيىنىڭ شىمالىدىكى خەلەپ ئۆلكىسىنىڭ سۈرىيە تۈركىيە چېگرىسىكى بىر نۇقتا 15-ماي ئاپتوموبىل بومبىنىڭ ھۇجۇمىغا ئۇچراپ ئاز دېگەندىمۇ 43 ئادەم قازا قىلدى .

كۆرگۈچىلەرنىڭ ئېيتىشىچە سۈرىيىنىڭ ھەرخىل ھۆكۈمەتكە قارشى قوراللىقلىرى نەق مەيداندا كەسكىن ئۇرۇشقان ،سۈرىيە بۇ يىل 4-ئاينىڭ ئاخىرى چوڭ سايلامغا تۇتۇش قىلغاندىن كېيىن ئۆكتىچىلەر ھۆكۈمەت كونتروللىقىدىكى رايونلارغا ھۇجۇم قىلىشنى كۈچەيتتى .شۇنداقتىمۇ ھۆكۈمەت ئارمىيىسى مۇشۇ ئاينىڭ 9-كۈنى ھومىسىنى رەسمىي قايتۇرۇۋالدى .

ھومېس سۈرىيىنىڭ ئوتتۇرا قىسمىدىكى ئۆلكە مەركىزى ، سۈرىيىنىڭ جەنۇبىي شىمالىدىكى مۇھىم قاتناش تۈگۈنى بۇلۇپ ،جۇغراپىيلىك ئورنى ئىنتايىن مۇھىم .سۈرىيە توقۇنۇشى پارتلىغاندىن كېيىن ، ھومېسنى ئۆكتىچىلەر كونترول قىلىپ كەلگەن ،تەھلىلچىلەر مۇنداق دەپ قارىدى :‹ھومېسنىڭ قولدىن كېتىشى ئۆكتىچىلەرگە زور زەربە ،بەشىر گە نىسبەتەن زور غەلبە بولدى .بۇ ئۇنىڭ يەنە بىر قېتىم زۇڭتۇڭ بۇلۇپ سايلىنىشىغا پۇرسەت يارىتىپ بېرىشى مۇمكىن .

سۈرىيىنىڭ يېڭى سايلام قانۇنىدا زۇڭتۇڭ نامزاتلىقىغا تىزىملاتقانلارنىڭ سۈرىيدە تۇرغان ۋاقتى ئاز دېگەندىمۇ ئون يىلدىن تۆۋەن بولماسلىقى كېرەك دەپ بەلگىلەنگەن .بۇنداق بولغاندا چەتئەلدە سەرگەردان بۇلۇپ يۈرگەن ئۆكتىچى گۇرۇھىدىكى كىشى نامزاتلىق سالاھىيىتىگە ئېرىشەلمەيدۇ .نۆۋەتتە زۇڭتۇڭ نامزاتلىرىدىن نۆۋەتتە زۇڭتۇڭ ۋەزىپىسىنى ئۆتەۋاتقان بەشىر ،پارلامىنېت ئەزاسى رەجەپ ،سابىق مىنىستىر نۇرىلار بار .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK