يېڭى يىل بايرىمىدا، ئەنگلىيەدە ناھايىتى كەم كۆرۈلىدىغان پاجىئە يۈز بەرگەن بولۇپ، بىر قىزنىڭ ئامراق ئىتى توساتتىنلا غالجىرلىشىپ قىزنىڭ ئوغۇل دوستىنى چىشلەپ ئۆلتۈرۈپ قويغان، ۋەقە يۈز بەرگەندىن كېيىن، مال دوختۇرلىرى بۇ ئىتنى ئۆلتۈرۈۋەتكەن.

      شىئىر ئىسىملىك بۇ قىز شۇ كۈنى Tiger ئىسىملىك ئىتىنى ئېلىپ، ئەنگلىيەنىڭ لەنكا ناھىيىسى پىرېستون (Preston) دىكى ئوغۇل دوستىنىڭ ئۆيىگە يېڭى يىل ئۆتكۈزگىلى كەلگەن، چۈشتىن كېيىن سائەت ئۈچتىن 45 مىنۇت ئۆتكەندە، Tiger ئىسىملىك ئىتنىڭ توساتتىنلا غالجىرلىقى تۇتۇپ شىئىرنىڭ 22 ياشلىق ئوغۇل دوستى-LiamHewitson نى چىشلەپ ئېغىر يارىلاندۇرغان، ۋەقە يۈز بەرگەندىن كېيىن قۇتقۇزۇش خادىملىرى دەرھال يېتىپ كېلىپ LiamHewitson نى دوختۇرخانىغا ئېلىپ بېرىپ قۇتقۇزغان، لېكىن شۇ كۈنى كەچ سائەت ئالتىدە LiamHewitson قۇتقۇزۇش ئۈنۈم بەرمەي ئۆلۈپ كەتكەن.

     شۇ كۈنى كەچتە، LiamHewitson نىڭ ئۇرۇغ-تۇغقان، دوست-بۇرادەرلىرى توردا LiamHewitson نىڭ تۇيۇقسىزلا ئۆلۈپ كەتكەنلىكىگە قايغۇرۇپ ئۇنىڭغا تەزىيە بىلدۈرگەن، شىئىرمۇ فەيىسبۇك تورىدا ئۆزىنىڭ بۇ ئىشتىن ئىنتايىن قايغۇرغانلىقىنى بىلدۈرگەن:‹مەن ئۇنى ھەقىقەتەن بەك ياخشى كۆرىمەن، مەن ئۇنى ياد ئېتىمەن›.

    شىئىر يەنە مۇنداق دېگەن:‹ئوغۇل دوستۇم ئىتنىڭ ھۇجۇمىغا ئۇچرىغاندىن كېيىن، تۇتقاقلىق كېسىلى تۇتۇپ قالغاچقا، ئىتقا قىلچىلىك قارشىلىق كۆرسىتەلمىدى›. بۇ ۋەقەدە، شىئىر ئىسىملىك قىز ئوغۇل دوستىدىن ئايرىلىپلا قالغان بولماستىن، بەلكى يەنە ئۇنىڭ ئامراق ئىتىمۇ مال دوختۇرلىرى تەرىپىدىن ئېلىپ كېتىلىپ ئۆلتۈرۈۋېتىلگەن.

      LiamHewitson نىڭ ئۇدۇل قوشنىسى ئىپادە بىلدۈرۈپ مۇنداق دېگەن:‹بۇ ئىت ئەسلىدە ناھايىتى يۇۋاش ھەم ياخشى ئىدى، لېكىن يېرىم يىل ئىلگىرى بۇ ئىتنىڭ خۇي-پەيلى توساتتىنلا ئۆزگىرىپ، ھەمىشە ھاۋشىپلا تۇرىدىغان، ئادەمنى يېقىن يولاتماس بولۇپ قالغان›.

     ساقچى تەرەپ ئىپادە بىلدۈرۈپ:‹يېڭى يىل بايرىمىدا ئۆلۈم-يېتىم ئەھۋالىنىڭ كۆرۈلۈشى ھەقىقەتەن پاجىئەلىك ئىش› دېگەن ھەم ساقچى تەرەپنىڭ بۇ ئىشنى تەكشۈرۈۋاتقانلىقىنى ئېيتقان.