خەلق تورى ئۇيغۇرچە قانىلىنىڭ 29-دېكابر بېيجىڭدىن بەرگەن تېلېگراممىسى:مەركىزىي  ئىنتىزام تەكشۈرۈش كومىتېتى مەمۇرىي تەپتىش مىنىستىرلىقى تور بېكىتىنىڭ خەۋىرىگە  قارىغاندا، نۆۋەتتە، مەركىزىي كومىتېتنىڭ تەستىقى بىلەن، مەركىزى ئىنتىزام تەكشۈرۈش  كومىتېتى نىڭشيا خۇيزۇ ئاپتونوم رايونلۇق ھۆكۈمەت پارتگۇرۇپپىسىنىڭ سابىق ئەزاسى،  سابىق مۇئاۋىن رەئىسى بەي شۆشەننىڭ ئىنتىزامغا ئېغىر خىلاپلىق قىلىش مەسىلىسىگە  قارىتا دېلو تۇرغۇزۇپ تەكشۈردى.　　

     تەكشۈرۈشتىن قارىغاندا بەي شۆشەن سىياسىي  ئىنتىزامغا ئېغىر دەرىجىدە خىلاپلىق قىلغان، پارتىيە ئەزالىق ئېڭى سۇس، تەشكىلنىڭ  تەكشۈرۈشىغا قارشى تۇرۇپ، ئۇزاق مۇددەت خۇراپاتلىق پائالىيىتى بىلەن شۇغۇللىنىپ؛  تەشكىلىي ئىنتىزامغا ئېغىر دەرىجىدە خىلاپلىق قىلغان. تەشكىل سۈرۈشتۈرۈگەندە  تەشكىلگە مەسىلىنى ئەينەن چۈشەندۈرمىگەن. ۋەزىپىسىدىكى قولايلىقتىن پايدىلىنىپ  كادىرلارنى ئۆستۈرۈپ تەيىنلەشتە باشقىلارغا مەنپەئەت يەتكۈزگەن ھەمدە پۇل – مال  ئالغان؛ پاكلىق ئىنتىزامىغا ئېغىر دەرىجىدە خىلاپلىق قىلغان، كارخانا تىجارىتى  قاتارلىق جەھەتلەردە باشقىلارغا مەنپەئەت يەتكۈزگەن ھەمدە پۇل-مال ئالغان. بۇلار  ئىچىدە، خىزمىتىدىكى قولايلىقتىن پايدىلىنىپ باشقىلارنىڭ مەنپەئىتىنى كۆزلەپ، پۇل –  مال ئېلىش مەسىلىسى جىنايەتكە چېتىلىدۇ.