ئامېرىكا زۇڭتۇڭى ئوباما خوتۇن-بالىلىرىنى ئېلىپ روژدېستۋو بايرىمىنى ھاۋايدا ئۆتكۈزگىلى بارىدۇ، شۇ يەردە ئىككى ھەپتە تۇرىدۇ، تاراتقۇلار يېقىندا ئوباما ئائىلىسى ئارام ئالىدىغان جاينىڭ مەنزىرىسىنى ئاشكارىلىدى. بۇ ئارامگاھنىڭ كۆلىمى 650 كۋادرات مېتىر بولۇپ، بەش ھۇجرىسى بار، ئالتە مۇنچىسى بار، يەنە تېخى سۇ بىلەن داۋالاش ئۆيى بار، سۇ ئۈزۈش كۆلچىكى، ھورداقخانىمۇ بار، ئاجايىپ كاتتا.

بۇ يەرنىڭ بىر كەچلىكى 3500 دوللار يەنى 23 مىڭ يۈەن خەلق پۇلى بولۇپ، ئوباما ئائىلىسى ئىككى ھەپتە تۇرىدۇ، دېمەك 56 مىڭ دوللارنىڭ بېشىغا سۇ قۇيىدۇ دېگەن گەپ.

    بۇ ئوباما ئائىلىسىنىڭ 8-قېتىم ھاۋايدا روژدېستۋو ئۆتكۈزۈشى ھېسابلىنىدۇ، ئەڭ يېڭى دوكلاتلارغا قارىغاندا، ئوباما 2009-يىلى 1-ئايدا خىزمەتكە ئولتۇرغاندىن تارتىپ، ئۇلارنىڭ ئائىلىسىدىكىلەرنىڭ ئارام ئېلىشىغا 70.5 مىليون دوللار يەنى 460 مىليون يۈەن خەلق پۇلى كەتكەن.

ئوباما دائىم ھاۋايغا بېرىپ ئارام ئالىدۇ، بايرام ئۆتكۈزىدۇ، شۇ يەردە گولف توپ ئوينايدۇ.

   ئوباما ئارامدىن كېيىن ئاقسارايغا قايتىپ ئۆزىنىڭ ئەڭ ئاخىرقى بىر يىلىنى پىلانلايدۇ، ئارام مەزگىلىدە ئاممىۋى پائالىيەتلەرگە قاتنىشىشنى پىلان قىلمغانلىقىنى بىلدۈرگەن.