13 ياشلىق رۇسىيەلىك قىزچاق سۈرەتكە چۈشىمەن دەپ 9-قەۋەتتىن چۈشۈپ كېتىپ، سۆڭىكى سۇنۇپ، مېڭىسى سىلكىنىپ كەتتى

رۇسىيەدە يولغا قويۇلغان ئۆزىنى سۈرەتكە تارتىش بىخەتەرلىك قوللانمىسى

13 ياشلىق قىزچاق 9-قەۋەتنىڭ ئۆگزىسىدىن چۈشۈپ كېتىپ مېڭىسى سىلكىنىپ كەتتى...

بۇ ئىش رۇسىيەدە يۈز بەرگەن ئىدى.

رۇسىيە ئاگېنتلىقىنىڭ 12-ئاينىڭ 21-كۈنىدىكى خەۋىرىگە ئاساسلانغاندا، رۇسىيەنىڭ تولا شەھىرىدە 13 ياشلىق قىزچاق دوستى بىلەن ئۆيىنىڭ ئۆگزىسىدە سۈرەتكە چۈشمەكچى بولغان، ئەمما پۇتىغا دىققەت قىلماي يىپقا پۇتلىشىپ كېتىپ، 9-قەۋەتتىن چۈشۈپ كەتكەن، قىزچاق دوختۇرخانىغا ئېلىپ بېرىلغان. دەسلەپكى قەدەمدە تەكشۈرۈش ئارقىلىق، قىزچاققا يۇقىرى بوشلۇقتىن چۈشۈپ كېتىپ يېپىق ھالەتتىكى مېڭە سۆڭىكى زەخىملەنگەنلىكى، مېڭىسىنىڭ سىلكىنىپ كەتكەنلىكى، يېپىق ھالەتتىكى ئومۇرتقا سۆڭىكىنىڭ سۇنۇپ كەتكەنلىكى، ئەمما ھاياتىغا خەۋپ يەتمىگەنلىكى ئېنىقلانغان.

رۇسىيەلىكلەرنىڭ ھەرخىل شەكىل چىقىرىپ ئۆزىنى سۈرەتكە تارتىشنى ياخشى كۆرۈشى يېڭىلىق ھېسابلانمايدىغان بولۇپ قالدى، بۇ يىل 7-ئايدا، رۇسىيەلىكلەر يەنە ئالاھىدە ئۆزىنى سۈرەتكە تارتىش بىخەتەرلىك قوللانمىسىنى ئالاھىدە يولغا قويۇپ، ھەر خىل خەتەرلىك ئەھۋاللارنى رەتكە تىزىپ چىققان ئىدى، ئەمما ئۆزىنى سۈرەتكە تارتىش ھەۋەسكارلىرى يەنىلا سۈرەتكە تارتىشنى توختاتمىغان ئىدى.