IS نىڭ قوللىغۇچىلىرى مۇنداق دەپ داۋراڭ سالدى: «سېنىڭ كۈنۈڭ ئاز قالدى، ئۆلۈم سېنىڭ ئالدىڭغىمۇ كېلىدۇ».

      باشقا خەۋەردە ئېيتىلىشىچە، IS  نىڭ قوللىغۇچىلىرى «تۋىتتېر» دا رۇسىيە پۇقرالىرى ۋە موسكۋا مېتروسىغا بىۋاسىتە تەھدىت سېلىپ مۇنداق دېگەن، «موسكۋادا قان دەريا بولۇپ ئاقىدۇ، موسكۋا مېتروسىمۇ پارتىلىتىش ھۇجۇمىغا ئۇچرايدۇ».

       ISنىڭ قوللىغۇچىلىرى تارقاتقان بۇ سۈرەتتە، IS  نىڭ ئۆزى ياسىۋالغان بومبا ئارقىلىق رۇسىيەنىڭ مىسىر ئاسمىنىدا ئۇچۇپ كېتىۋاتقان بىر يولۇچىلار ئايرۇپىلانىنى پارتىلىتىۋەتكەنلىكى تەسۋىرلەنگەن.

        ئەنگىلىيە «كۈندىلىك گېزىتى» نىڭ 21 – دېكابىر خەۋەر قىلىشىچە، رۇسىيە زۇڭتۇڭى پۇتىن يېقىندا مۇنداق دېگەن، رۇسىيەنىڭ يادرو قوراللىرىنى داۋاملىق مۇكەممەللەشتۈرۈپ، رۇسىيەگە كېلىۋاتقان يوشۇرۇن تەھدىتنى توسىمىز، بۇنىڭ ئىچىدە يادرو ئوق بېشى بار چارلىغۇچى سىنارەت ئارقىلىق «ئىسلام دۆلىتى» نى ۋەيران قىلىشمۇ بار. پۇتىن يەنە تولۇقلاپ مۇنداق دېگەن، يادرو كۈچىنى ئىشقا سېلىش پەقەتلا بىر خىل بىخەتەرلىك بويىچە ئالدىنى ئېلىش تەدبىرىدۇر. بىراق مەيلى يادرو قوراللىرىنى ئىشلەتسۇن ياكى ئىشلەتمىسۇن، IS بۇنىڭغا كۈچلۈك ئىنكاس قايتۇردى، IS  نىڭ قوللىغۇچىلىرى «تۋىتتېر»دا رۇسىيەگە گەپ ئەۋەتىپ، رۇسىيەگە تەھدىت سالدى.

    رۇسىيە تېلېۋىزىيە ئىستانسىسىنىڭ 1–قانىلىدا كۆرسىتىلگەن بىر خاتىرە فىلىمدە، پۇتىن «يادرو كالتىكى» نى پۇلاڭلاتمايدىغانلىقىنى بىلدۈرگەن، ئۇ يەنە مۇنداق دېگەن، ناۋادا IS قا قارىتىلغان دائىلىق پارتىلىتىش ئۈنۈملۈك بولمىسا، چوقۇم يادرو ئوق بېشىلىق سىنارەتنى ئىشقا سېلىپ، IS نى يوقىتىمىز. پۇتىن ئاگاھلاندۇرۇپ مۇنداق دېگەن، ئۇلارنىڭ چارلىغۇچى سىنارىتىگە يادرو ئوق بېشى ئورنىتىلغان ئىكەن.

خەۋەرگە قارىغاندا، بۇندىن خېلىى بۇرۇن، رۇسىيە دۆلەت مۇداپىئە مىنىستىرى شويگۇ بىلەن كۆرۈشكەندە، پۇتىن مۇنداق دېگەن، جەڭ مەيدانىغا يۈز بەرگەن بارلىق ئىشلارنى ئىنچىكە تەھلىل قىلىش، قوراللارنى قانداق ئىشلىتىشنى ئانالىز قىلىش كېرەك. «چارلىغۇچى سىنارەت بىلەن KH-101 تىپلىق چارلىغۇچى سىنارەت ناھايىتى يۇقىرى ئۈنۈملۈك زامانىۋى قوراللار، ھازىر بىز شۇنىڭغا ئىشىنىمىزكى، چارلىغۇچى سىنارەتكە يادرو ئوق بېشى بېكىتكىلى ھەمدە توغرا زەربە بەرگىلى بولىدۇ».

     بىراق، پۇتىن يەنە مۇنداق ئىپادە بىلدۈرگەن، ئىراق بىلەن سۈرىيەدىكى IS نىڭ يۈرىكى جايلاشقان رايونلارغا يادرو ھۇجۇمى قوزغاش پەقەتلا ئەڭ ئاخىرقى بىر ۋاسىتە. «تېررورچىلارغا زەربە بېرىش ئۈچۈن چارلىغۇچى سىنارەتكە يادرو ئوق بېشى بېكىتىشنىڭ زۆرۈرىيىتى يوق، بۇ ئۆزىگە ئىشەنمىگەنلىك» دېدى پۇتىن تولۇقلاپ، «مەن يادرو ئوق بېشىنى تېرروچىلارغا زەربە بېرىش ئۈچۈن ئىشلىتىلمەسلىكىنى بەكمۇ ئۈمىد قىلىمەن».

    «يادرو قورالى» دېگەن بۇ سۆزنى پۇتىن قىسقا مۇددەت ئىچىدە خېلى كۆپ قېتىم تىلغا ئالدى، بۇ سۆز شەك شۈبھىسىزكى IS نىڭ نېرۋا تومۇرىغا تەگدى. رۇسىيە جامائەتچىلىكىگە قايتۇرما زەربە بېرىش ئۈچۈن، IS ئۆزىنىڭ «تۋېتتىر» ىدا «رۇسىيەگە سۆز» دېگەن تېمىدا جاۋاب قايتۇرۇپ، رۇسىيەگە تەھدىت سالدى.