12-ئاينىڭ 21-كۈنى، شەرق شامىلى فېڭشېننىڭ پۈتۈنلەي يېڭى بولغان ئىخچام تىپتىكى نۇسخىسى SUV AX3 رەسمىي بازارغا سېلىندى. AX3 جەمئىي بەش نۇسخا ماشىنا تىپى چىقارغان، 1.5L ۋە 1.4T لىك ئىككى خىل ماتور تەمىنلىگەن، بۇنىڭ ئىچىدە 1.5L لىق ماشىناتىپى بەش خوتلۇق ۋە ئالتە خپوتلۇق ئاپتوماتىك سۈرئەت ئۆزگەرتكۈچ تەمىنلىگەن؛ 1.4T لىك ماشىنا تىپى پەقەت بەش خوتلۇق سۈرئەت ئۆزگەرتكۈچ تەمىنلىگەن، بەش نۇسخا ماشىنىنىڭ باھاسى 69.8-87.7 مىڭ يۈەن.

    سىرتقى كۆرۈنۈش تەرەپتە، شەرق شامىلى فېڭشېن AX3 ماركا بەلگىسى خاراكتىرىدىكى تەتۈر بالداق شەكىللىك ئاسما ئىشلىتىپ، لېنزىلىق چىراق گۇرۇپپىسى ماسلاشتۇرغان، يېڭى ماشىنىنىڭ رازمىرى: 4518/1740/1562mm، ئوق ئارىلىقى 2620mm. يېڭى ماشىنىنىڭ ئىچكى بېزەك لاھىيەسى بىر قەدەر ئاددى، قارا رەڭنى يېتەكچى قىلغان لاھىيە قوللىنىلغان، سەپلىمىسىدە ئەقلىي ئىقتىدارلىق ئۇچۇر-ئالاقە سېستىمىسى قاتارلىقلارنى سەپلىگەن.

   ھەرىكەتلەندۈرگۈچ كۈچ سېستىمىسى تەرەپتە، يېڭى ماشىنىغا 1.5L لىق ئۆزلىكىدىن گاز سۈمۈرىدىغان ماتور ۋە 1.4T لىك پىرقىرىغۇچلۇق بېسىم ئاشۇرغۇچى ماتور سەپلەنگەن ھەمدە STT ئەقلىي ئىقتىدارلىق ماي تېجەش سېستىمىسى ماسلاشتۇرۇلغان. بۇنىڭ ئىچىدە،  1.5L لىق ماتورنىڭ ئەڭ چوڭ قۇۋىتى 85kW (116PS) گە يېتىدۇ، 1.4T لىك ماتورنىڭ ئەڭ چوڭ قۇۋىتى 103kW (140PS) گە يېتىدۇ، ھەرىكەت ئۇزىتىشتا بەش خوتلۇق قول خوتلۇق سۈرئەت ئۆزگەرتكۈچ ۋە ئالتە خوتلۇق ئاپتوماتىك سۈرئەت ئۆزگەرتكۈچ ماسلاشتۇرغان.