تۈنۈگۈن مەلۇم تورداش مىكروبىلوگ تورىدا ئۇچۇر ئېلان قىلىپ مۇنداق دېگەن:< قاراڭلار، بىزنىڭ بېيلۇن چۇنشىياۋدىمۇ < پۇلدار> دىن بىرسى چىقتى ھەم ساۋاقداشلار يىغىلىشىدا ھەر بىر ئادەمگە بىردىن iPhone6S تارقىتىپ بەردى>. ئۇچۇرغا يەنە رەسىممۇ كىرىشتۈرۈلگەن بولۇپ، بۇ تورداش يەنە مۇنداق دېگەن:< بۇ رەسىملەرنى دوستۇمنىڭ ئاچىسى تارتقان، ئۇمۇ بۇ قېتىملىق ساۋاقداشلار يىغىلىشىغا قاتناشقان، بۇ ئىش ھەقىقەتەن راست، ساۋاقداشلار يىغىلىشىغا قاتناشقان 39 ئادەمنىڭ ھەر بىرىگە بىردىن iPhone6S تارقىتىپ بېرىلدى>.

        بۇ قېتىملىق ساۋاقداشلار يىغىلىشى 12-ئاينىڭ 19-كۈنى نىڭبودىكى مەلۇم مېھمانسارايدا ئۆتكۈزۈلگەن. يىغىلىشقا قاتناشقان 39 ئادەمنىڭ ھەممىسى كەچلىك تاماق ۋاقتىغا ئۈلگۈرۈپ بۇ مېھمانسارايغا يېتىپ كەلگەن. تاماق يېيىلىپ يېرىمىغا كەلگەندە، يىغىلىشقا قاتناشقان بىر قانچە ساۋاقداش بىر نەچچە كىچىك كورۇپكىلارنى يۆتكەپ كېلىپ تاماق ئۈستىلىنىڭ ئوتتۇرىسىغا  تىزىشقا باشلىغان. كۆپچىلىك كورۇپكىلارنى ئاچقاندىن كېيىن ئۇنىڭ ئىچىدە iPhone6S بارلىقىنى كۆرگەن. شۇ قېتىملىق ساۋاقداشلار يىغىلىشىغا رىياسەتچىلىك قىلغان ساۋاقداش:< يىغىلىشقا قاتناشقان ھەر بىر ساۋاقداشقا بىر تالدىن iPhone6S خاتىرە بۇيۇمى سۈپىتىدە  سوۋغا قىلىندى> دەپ ئېلان قىلغان.

       يىغىلىشقا قاتناشقانلار كورۇپكىنى ئاچقاندىن كېيىن ئىچىدە ئەتىرگۈل ئالتۇن رەڭلىك iPhone6S بارلىقىنى كۆرگەن. ھەر بىر تال iPhone6S نىڭ ئاسراش قېپىغا:< بېيلۇن سەنشەن مەركىزىي باشلانغۇچ مەكتىپى 98-يىللىق ساۋاقداشلار يىغىلىشى خاتىرىسى> دېگەن خەت يېزىلغانىدى. ساۋاقداشلىرىغا ئەتىرگۈل ئالتۇن رەڭلىك iPhone6S سوۋغا قىلغىنى بولسا شۇ قېتىملىق يىغىلىشقا قاتناشقان جاڭ فامىلىلىك بىرسى بولۇپ، تىجارەتچى ئىدى. كۆپچىلىكنىڭ ھەممىسى ئۇنىڭغا ياخشى باھالارنى بەرگەن بولۇپ، <ئوقۇۋاتقان چېغىدىلا ئارتۇق گەپ-سۆز قىلىشنى ياقتۇرمايدىغان ئېسىل مىجەز بالا ئىدى، 17 يىل ئۆتكەندىن كېيىنمۇ ئۇ يەنىلا ئۆزگەرمەي شۇ پېتى تۇرۇپتۇ> دېيىشتى.