9-دېكابىر «گۈم» قىلغان ئاۋاز بىلەن تەڭ ئۈرۈمچى ناھىيەسى ئېقىندالا يېزىسىدىكى ماجۈەنگۇ كان رايونىدىكى ئاساسلىق قۇدۇق جاھازىسى ئۆرۈلۈپ، ۋاڭ ياجۈن ۋە باشقا پايچېكلار كۆپ يىل تىجارەت قىلغان كۆمۈر كان رەسمىي تاقالدى. بۇ، يۇقارقى تاغ رايونىدىكى كۆمۈر كانلارنىڭ ئۆز رازىلىقى بىلەن تاقاش ئىلتىماسىنىڭ تەستىقلىنىپ، تاقىلىش خىزمىتىنىڭ رەسمىي باشلانغانلىقىدىن دېرەك بېرىدۇ.

        بۇ يىلنىڭ بېشىدا «ئۈرۈمچى شەھەرگە قاراشلىق كۆمۈر كانلارنى ياخشىلاپ دەرىجىسىنى ئۆستۈرۈش خىزمىتى لايىھەسى توغرىسىدىكى ئۇقتۇرۇش» ھەمدە «ئۈرۈمچى شەھىرىگە تەۋە ئۆز رازىلىقى بىلەن تاقىلىدىغان كۆمۈركانلارغا تولۇقلىما بېرىش خىزمىتىگە يېتەكچىلىك قىلىشقا ئالاقىدار پىكىر» تارقىتىلغان بولۇپ، ئۈرۈمچى شەھىرى يىللىق مەھسۇلات مىقدارى 90 مىڭ توننا ۋە ئۇنىڭدىن كىچىك بولغان كۆمۈركانلارنىڭ تاقاش ۋە زامانىۋى ئۆلچەملىك قۇدۇق قۇرۇلۇشىنى قوللايدىكەن.