بۇ يىل 11-ئاينىڭ 16-كۈنى سەككىز ياشلىق قىز چېنچېن (يالغان ئىسىم) ئاپىسى جاڭ تەرىپىدىن كوچىغا تاشلىۋېتىلگەن. پىكىرلىشىش ئارقىلىق ساقچى چېن چېننى ۋاقتىنچە ياشانغانلار دوختۇرخانىسىغا ئاپىرىپ قويغان ۋە كۆپ قېتىم يوقلاپ تۇرغان. تۈنۈگۈن مۇخبىرنىڭ داشىڭ رايونىدىكى ساقچىلاردىن ئىگىلىشىچە جاڭنىڭ قىلمىشى ئېغىر ئاقىۋەت كەلتۈرۈپ چىقارمىغاچقا تاشلىۋېتىش جىنايىتىنى   شەكىللەندۈرمەيدىكەن. ساقچىلارنىڭ تەربىيە بېرىشى ۋە تەنقىدلىشى ئارقىسىدا جاڭ ئۆزىنىڭ خاتالىقىنى تونۇپ يەتكەن ھەمدە 12-ئاينىڭ 11-كۈنى چېن چېننى قايتۇرۇپ ئەكەتكەن.تەكشۈرۈش جەريانىدا جاڭ دەسلەپتە ئۆزىنىڭ بالىنى يالغۇز بېقىۋاتقانلىقىنى سەۋەپ قىلىپ، بالىنىڭ ئۆز دادىسىنىڭ ھېچقانداق بېقىش ھەققى بەرمىگەنلىكى ئۈستىدىن شىكايەت قىلىپ يىغلىغان. ساقچىلارنىڭ تەربىيە بېرىشى ئارقىسىدا جاڭ ئۆزىنىڭ ئانىلىق بۇرچىنى ئادا قىلالمىغانلىقىنى ھېس قىلغان ھەمدە بالىسىنى قايتۇرۇپ ئەكىتىش ئارزۇسى بارلىقىنى بىلدۈرگەن.

         12-ئاينىڭ 11-كۈنى چۈشتىن بۇرۇن چىڭيۈەن يولى ساقچىخانىسىدىكى بىر قانچە ساقچىلار قايتا ياشانغانلار دوختۇرخانىسىغا بېرىپ چېن چېننى يوقلىغان ھەمدە ئۇ ئامراق يىمەكلىكلەردىن سېتىۋالغان. خەلق ساقچىسى سۇي لىنخاۋنىڭ دېيىشىچە بۇ قېتىمقى ئىش بالىغا ئاز بولمىغان يارىلارنى ئېلىپ كەلگەن بولۇپ، پاراڭلىشىش جەريانىدا ئاپىسى تىلغا ئېلىنسىلا بالا بېشىنى تۆۋەن قىلىپ ئۈندىمىگەن.

       12-ئاينىڭ 11-كۈنى چۈشتىن كېيىن جاڭ چېن چېن نى قايتۇرۇپ ئەكەتكىلى كەلگەن. يولغا چىقىشتىن بۇرۇن چېن چېن ساقچىلارنى قۇچاقلىۋالغان. «بىر ئايغا يېقىن ئارىلىشىش جەريانىدا بىز ئىنتايىن ياخشى چىقىشىپ كەتتۇق، بالا بىزگە چىدىمايلا قالدى». ساقچى ياڭجىڭنىڭ دېيىشىچە، ئۇلار چېن چېنغا ئۆزلىرىنىڭ ئالاقىلىشىش ئۇسۇلىنى قالدۇرۇپ قويغان بولۇپ بالا ھەر ۋاقىت ئۇلار بىلەن ئالاقىلىشالايدىكەن.