ئامېرىكا «ۋاشىنگىتون كۈندىلىك پوچتا گېزىتى» نىڭ 6-چېسلا خەۋەر قىلىشىچە، شۇ جاي ۋاقتى 1-ئاينىڭ 4-كۈنى ئامېرىكا شىمالىي كالفورنىيە شىتاتى ساقچى دائىرىلىرى بىر بۇلاڭچىنى قولغا ئالغانلىقىنى جاكارلىدى، ساقچىلارنىڭ بۇلاڭچىنى قولغا چۈشۈرەلىشىدىكى سەۋەب، بۇلاڭچى Snapchat دەپ ئاتىلىدىغان ئۆزىنى سۈرەتكە تارتىش يۇمتالىنى ئىشلىتىپ، زىيانكەشلىككە ئۇچرىغۇچى بىلەن سۈرەتكە چۈشكەن.

خەۋەردە دېيىلىشىچە، 18 ياشلىق ئايمانسا ماندىنېزى (Ai Mansa - Madineizi) باشقا ئىككى جىنايەت گۇماندارى بىلەن 12-ئاينىڭ 30-كۈنى ۋالېنتايىن باغچىسى (Valentine Pointe Park) دا تۆت ئادەمنى بۇلىغان ۋە ماشنىسىنى بۇلاپ كەتكەن. كېيىن ئۆزلىرى بۇلىغان ماشىنا بىلەن قېچىپ كەتكەن.

    دېلو يۈز بەرگەندىن كېيىن، بۇلاڭچىلارنىڭ قولغا چۈشۈشى دەل ئۇلارنىڭ بىر پارچە سۈرىتى سەۋەب بولغان بولۇپ، ئەسلىدە ئايمانسا ماندىنېزى ئۆزى بۇلىغان بىر ئايال بىلەن Snapchat دەپ ئاتىلىدىغان ئۆزىنى سۈرەتكە تارتىش يۇمتالى ئارقىلىق ئۇچۇرىنى ئالماشتۇرغان ۋە ئىككىسىنىڭ سۈرىتىنى تورغا يوللىغان.

    ساقچىلار دېلو مەلۇم قىلىش تېلېفۇنىنى تاپشۇرىۋالغاندىن كېيىن، بۇ سۈرەتكە ئاساسەن ئايمانسا ماندىنېزىنى قولغا ئالغان. ئايمانسا ماندىنېزى بۇلاڭچىلىق ۋە تۇتقۇن قىلىش جىنايىتى بىلەن قولغا ئېلىنغان. ئۇ ھازىر مونتېرېي تۈرمىسى (Monterey County jail legislation) گە قامالغان.