لىيەنشىياڭنىڭ يېڭى يانفونى A7010 نىڭ ئۇچۇرلىرى بۇندىن ئىلگىرى GFXBench تور بېكىتىدە ئاشكارىلانغان بولسىمۇ، ئەمما بۇ يانفون ھازىرغىچە رەسمىي ئېلان قىلىنمىغان. بىراق، يېقىندا بۇ يانفون رومىنىيەدىكى ئېلېكترونلۇق سودا سۇپىسى eMAGIA دا پەيدا بولغان.

A7010 نىڭ سىرتقى شەكلى لىيەنشىياڭنىڭ يېڭى يانفونى لېمېڭ X3 گە ئوخشىشىپ قالىدىغان بولۇپ، يانفون گەۋدىسى پۈتۈنلەي قارا رەڭدە لايىھەلەنگەن، مەۋھۇم كۇنۇپكا، قوش ياڭراتقۇ قوشۇلغان، ئاساس گەۋدىسى مېتالدىن ياسالغان، بارماق ئىزىنى تونۇش ئىقتىدارى ھازىرلانغان.

    eMAGIAتور بېكىتىدە تەمىنلەنگەن ئۇچۇرلارغا ئاساسلانغاندا، لىيەنشىياڭ A7010 يانفونىغا ئېنىقلىق دەرىجىسى 1080P بولغان 5.5 دىيۇملۇق ئېكران، لىيەنفاكې MT6753 تىپلىق بىر تەرەپ قىلغۇچ، 2GB لىق ئىچكى ساقلىغۇچ، 8GB لىق ئاساس ساقلىغۇچ، بەش مىليون ۋە 13 مىليون پىكسېللىق كامېرا شۇنداقلا 3300 مىللىئامپىرلىق باتارىيە قاتارلىقلار سەپلەنگەن، ئاندىرويىد 5.1 سىستېمىسى ئالدىن قاچىلانغان ئىكەن.