ئامېرىكا «ۋاشىنگىتون كۈندىلىك پوچتا گېزىتى» نىڭ 7-چېسلا خەۋەر قىلىشىچە، كورىيەدە ئالدىنقى قاتاردىكى بەش باينىڭ ئومۇمىي بايلىقى 40 تىرلىيون ۋون (تەخمىنەن 200 مىليارد يۈەن خەلق پۇلى) دىن ئاشىدىغان بولۇپ، چاۋشىيەننىڭ 2014-يىللىق دۆلەت ئىچى ئومۇمىي ئىشلەپچىقىرىش قىممىتى GDP دىن ئېشىپ كەتكەن.

     بىلۇمبرگ مىليادىر كۆرسەتكۈچى (Bloomberg Billionaires Index) نىڭ 7-چېسلا سىتاستىكا قىلىشىچە، 12-ئاينىڭ 3-كۈنىگىچە، دۇنيا بايلىرى تىزىملىكىدە ئالدىنقى 400 نىڭ ئىچىگە كېرەلىگەن كورىيەلىكتىن سامسۇڭ گۇروھىنىڭ باش لىدىرى لى كۇنخى (Lee Kun-hee) (دۇنيا بايلىرى تىزىملىكىدە 81-ئورۇندا)، ئامورې تىنچ ئوكيان باش لىدىرى (Amore Pacific will) شۇ چىڭپېي (Xu Qingpei) (دۇنيا بايلىرى تىزىملىكىدە 139-ئورۇندا)، سامسۇڭ ئېلېكتىرون مۇئاۋىن باش لىدىرى لى جائېيوڭ (Lee Jae-yong)  (دۇنيا بايلىرى تىزىملىكىدە 179-ئورۇندا)، خىيۇنداي گۇروھى (Hyundai Group) نىڭ باش لىدىرى چۇڭ موڭكۇ (Chung Mong-Koo)  (دۇنيا بايلىرى تىزىملىكىدە 309-ئورۇندا)، SK گۇروھىنىڭ باش لىدىرى سۈي تەييۈەن (Cui Taiyuan) (دۇنيا بايلىرى تىزىملىكىدە 367-ئورۇندا) تۇرغان.

   سىتاستىكا قىلىنىشىچە، بۇ بەش كىشىنىڭ پاي چېكى، نەق پۇلى قاتارلىق ھەر خىل بايلىقلىرىنىڭ قىممىتى جەمئىي 36 مىليارد 400 مىليون دوللار (40 تىرلىيون ۋون ) بولۇپ، كورىيە دۆلەتلىك سىتاستىكا ئورگىنىنىڭ ماتېرىيالىغا قارىغاندا، چاۋشىيەننىڭ 2014-يىللىق دۆلەت ئىچى ئومۇمىي ئىشلەپچىقىرىش قىممىتى GDP سى 33 تىرلىيون ۋون بولغان. بۇ بەش كىشىنىڭ بايلىقى كورىيە دۆلەت ئىچى ئومۇمىي ئىشلەپچىقىرىش قىممىتى GDP نىڭ %2.7 نى ئىگىلىگەن.

كورىيەدىكى بىرىنچى باي سامسۇڭ گوروھىنىڭ باش لىدىرى لى كۇنخىنىڭ بايلىقى 13 مىليارد ۋون بولۇپ، ئۇ بۇ بايلىقى ئارقىلىق 450 مىليون ۋونلۇق فارارى ماركىلىق ماشىنىدىن 30 مىڭ دانە سېتىۋالالايدۇ، ئۇ يەنە 250 مىليون ئامېرىكىلىق قۇرامىغا يەتكەن كىشىگە ھامبۇرگ بولكىسى ئېلىپ بېرەلەيدۇ.

     يەنە بىر تەرەپتىن مىكروسوفىت (Microsoft) نىڭ قۇرغۇچىسى بىل گايتىسنىڭ ئومۇمىي بايلىقى 83 مىليارد 400 مىليون دوللار بولۇپ، دۇنيا بويىچە ئەڭ چوڭ باي ھېسابلىنىدۇ، ئىسپانىيەلىك كىيىم-كىچەك پارچە سېتىش ماركىسى ZARA نىڭ قۇرغۇچىسى ئامانسىيو ئورتېگا (Amancio Ortega) بولسا 76 مىليارد 200 مىليون دوللارلىق بايلىقى بىلەن دۇنيادىكى ئىككىنچى چوڭ باي بولۇپ تۇرماقتا، ئۇنىڭ ئارقىسىدا تۇرىدىغىنى بېرىكشىر خاساۋاي (Berkshire - Hathaway) شىركىتىنىڭ باش لىدىرى ۋاررېن بۇففېت (Warren Buffett) (بايلىقى 62 مىليارد 300 مىليون دوللار)، ئامازون (Amazon) نىڭ قۇرغۇچىسى جېف بېزوس (Jeff Bezos) (بايلىقى 58 مىليارد 700 مىليون دوللار) ۋە مېكسىكا تېلېگىراف ماگناتې كارلوس سىلىم (Carlos Slim) قاتارلىقلار بار.